Turizm

Evini turistlərə kirayə verən şəxslərə - KÖMƏKLİK GÖSTƏRİLƏCƏK

Evini turistlərə kirayə verən şəxslərə - KÖMƏKLİK GÖSTƏRİLƏCƏK | FED.az
19:33 29 İyul 2019

İyulun 29-da Dövlət Turizm Agentliyi kənd yerlərində evlərini turistlərə kirayə verən sahibkarlarla görüş keçirib. Görüşə 30-dək kənd qonaq evi sahibinin qatılıb.

FED.az-a Dövlət Turizm Agentliyindən bildirilib ki, görüşlərdə Azərbaycan Turizm Bürosunun baş icraçı direktoru Florian Zenqstşmid bu növ platformaların milli şəbəkələşmə işində mühüm rol oynayacağını qeyd edib. 
Eləcə də bax: Azərbaycandan çıxışa 9 qurum qadağa qoya bilər – SİYAHI, NECƏ YOXLAMALI? 

O söyləyib ki, diskussiya xarakterli görüşün əsas məqsədi kənd evi sahiblərinin təklif və problemlərini dinləmək, bu sahədə mövcud boşluqları müəyyən etmək və aradan qaldırılması istiqamətində dəstək göstərməkdir.

“İnfrastruktur”, “Xidmətlərin səviyyəsi”, “Qonaq evlərinin hüquqi və marketinq qiymətləndirilməsi” kimi mövzularda aparılan müzakirələr zamanı iştirakçıları maraqlandıran suallar cavablandırılıb və verilən təkliflər dinlənilib.

Müzakirələr zamanı ortaya çıxan problemlərin həllinə nail olmaq məqsədilə iştirakçılara köməklik göstəriləcəyi bildirilib.

Digər xəbərlər

Banner