Xəbər verildiyi kimi, dekabrın 19-da prezident İlham Əliyevin iştirakı ilə Bakıda yeni premium hatel “The Ritz-Carlton Baku” otelinin açılışı olub.
FED.az xəbər verir ki, hündürlüyü 130 metr olan otel binası 33 mərtəbəlidir. “The Ritz-Carlton Baku” otelində 190 geniş qonaq otaqları, lüks mənzillər, restoranlar, fitnes və biznes mərkəzləri, müxtəlif tədbirlərin keçirilməsi üçün konfrans zalı yaradılıb.
Binanın 14 mərtəbəsi otel otaqları üçün nəzərdə tutulub, 15-ci mərtəbədən başlayaraq yuxarı hissədə isə rezidensiyalar və mənzillər yerləşir.
Oteldə ənənəvi standart otaqlar yoxdur, burada delüks, yarım lüks nömrələr, bir neçə otaqlı Kral və Kraliça süitləri, delüks nömrələr mövcüddür. Burada yaşayış qiymətləri isə günlük 628 manatldan başlayaraq 2 380 manatadək dəyişir. Qiymətlərin aşatı həddini nəzərə alanda, hazırda “The Ritz-Carlton Baku” Bakıdakı ən bahalı otel sayılır.
