Əgər Qanunla müvafiq arayışın tələb olunmasını istisna edən hallar yoxdursa, sığorta hadisəsi hesab edilə bilən halın təfərrüatları barədə səlahiyyətli orqanın arayışının (Forma-4) həmin sığorta ödənişinin həyata keçirilməsi üçün təqdim olunması zəruridir.
FED.az xəbər verir ki, bu barədə Maliyyə Bazarlarına Nəzarət Palatasından bildirilib.
"30.10.2017 tarixli sorğunuza cavab olaraq bildiririk ki, “Atəşgah” Sığorta Şirkəti ASC tərəfindən sığorta hadisəsi hesab edilə bilən halın təfərrüatları barədə məlumatları özündə əks etdirən məhkəmə qərarı mövcud olarsa, həmin məlumatları göstərən “İcbari sığortalar haqqında” AR Qanununda nəzərdə tutulmuş müvafiq səlahiyyətli orqanın arayışı olmadan sığorta ödənişinin verilməsinin mümkünlüyünə münasibət bildirilməsi barədə Palataya müraciət edilmişdir.
“İcbari sığortalar haqqında” AR Qanununun 17.1.4-cü maddəsinə müvafiq olaraq, həmin Qanunun 58.2-ci maddəsində nəzərdə tutulmuş hallar istisna olmaqla, sığorta hadisəsi hesab edilə bilən halın təfərrüatları barədə səlahiyyətli orqanın təqdim etdiyi arayış (Forma-4) icbari sığorta ödənişinin həyata keçirilməsi üçün tələb olunan sənədlərdəndir.
Qanunun tələblərindən aydın olduğu kimi, əgər Qanunla müvafiq arayışın tələb olunmasını istisna edən hallar yoxdursa, sığorta hadisəsi hesab edilə bilən halın təfərrüatları barədə səlahiyyətli orqanın arayışının (Forma-4) həmin sığorta ödənişinin həyata keçirilməsi üçün təqdim olunması zəruridir.
Qeyd olunanlar nəzərə alınmaqla sığorta şirkətinin müraciətinə Palata tərəfindən münasibət bildirilmişdir.
Əlavə olaraq bildirik ki, sığorta şirkətinin müraciəti konkret sığorta hadisəsi ilə bağlı deyil, ümumi xarakterli olmuşdur. Cəfərova Cəmilə Mahmud qızı tərəfindən Palataya məsələ ilə bağlı müraciət daxil olmamışdır.
Palata maliyyə bazarları istehlakçılarının hüquqlarının müdafiəsini həyata keçirən qurum olaraq vətəndaşlar tərəfindən onların hüquqlarının müdafiəsi üçün qanunvericiliyə uyğun atılan bütün addımlara hörmətlə yanaşır və səlahiyyətləri çərçivəsində lazımi köməkliyin göstərilməsini həyata keçirir".
Qeyd edəki ki, 2 ayrı sığorta şirkətinə eyni hal üzrə müxtəlif göstəriş verildiyi iddia edilmişdi. Qeyd olunurdu ki, göztərişlərdən birində Forma 4-ün gecikməsi halında “hökm”ün onu əvəz edə biləcəyi, digərində isə mümkünsüz olduğu qeyd olunmuşdur.
Buna da baxın: Bazar payını itirən sığorta şirkətləri – SİYAHI
Buna da baxın: Palatadan eyni hal üzrə 2 sığorta şirkətinə müxtəlif göstəriş
Buna da baxın: Avtomobillərin parklanma müddəti dəyişdi
