İndiyə qədər maaşını yığım sığortasına qoşan vətəndaşın bu gəlirinə vergidən və məcburi dövlət sosial sığorta haqqından tam azadolma tətbiq edilirdisə, artıq yalnız həmin gəlirin 50%-i gəlir vergisindən və məcburi dövlət sosial sığorta haqqından azad olacaqdır. 

Eləcə də bax: "Sosial sığorta haqqında" Qanunda dəyişikliklər - TAM MƏTN

“Sosial sığorta haqqında” qanunun 15-ci maddəsinə dəyişiklik edilir.

Dəyişikliyə görə, işçi  maaşını həyatın yığım sığortasına köçürdükdə onun maaşının yarısına (50%-nə) sosial sığorta haqqı hesablanmayacaq. Hazırda 50% məhdudiyyəti yoxdur.

15-ci maddə yeni redaksiya ilə:

Məcburi dövlət sosial sığorta haqqı hesablanmır:

-sığorta hadisəsi baş verdikdə, sığortalının əmlakına və ya əmlak mənafelərinə dəymiş zərərin yerini doldurmaq üçün pul və ya natura şəklində ödənilmiş vəsait-sığorta ödənişi, həmçinin sığortaedən tərəfindən ödənilən bütün növ icbari sığorta və könüllü tibbi sığorta haqları, 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə sığortaedənin sığortaolunanın gəlirlərinin 50 faizindən çox olmayan hissəsindən Azərbaycan Respublikasının sığortaçılarına hesablayıb ödədiyi sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər.

Köhnə redaksiya

-sığorta hadisəsi baş verdikdə, sığortalının əmlakına və ya əmlak mənafelərinə dəymiş zərərin yerini doldurmaq üçün pul və ya natura şəklində ödənilmiş vəsait-sığorta ödənişi, həmçinin sığortaedən tərəfindən ödənilən bütün növ icbari sığorta və könüllü tibbi sığorta haqları, 3 ildən az olmayan müddətə bağlanan müqavilə ilə həyatın yığım sığortası üzrə sığortaedənin Azərbaycan Respublikasının sığortaçılarına ödədikləri sığorta haqları, həyatın yığım sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığortalıya ödənilən hər hansı məbləğlər

Qeyd edək ki, eyni dəyişiklik Vergi Məcəlləsinə də edilir.

102.1.8.-ci maddə yeni redaksiyada

102.1.8. sığorta hadisəsi baş verdikdə sığorta olunanın və faydalanan şəxsin həyatına, habelə onun əmlakına və ya əmlak mənafelərinə dəymiş zərərin əvəzini ödəmək üçün pul və ya natura şəklində ödənilmiş vəsait, həmçinin işəgötürən tərəfindən ödənilən bütün növ icbari sığorta və könüllü tibbi sığorta haqları, 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə işəgötürənin sığortaolunanın vergiyə cəlb olunan gəlirlərinin 50 faizindən çox olmayan hissəsindən Azərbaycan Respublikasının sığortaçılarına ödədikləri sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər;

102.1.8.-ci maddə köhnə redaksiyada

102.1.8. sığorta hadisəsi baş verdikdə sığorta olunanın və faydalanan şəxsin həyatına, habelə onun əmlakına və ya əmlak mənafelərinə dəymiş zərərin əvəzini ödəmək üçün pul və ya natura şəklində ödənilmiş vəsait, həmçinin işəgötürən tərəfindən ödənilən bütün növ icbari sığorta və könüllü tibbi sığorta haqları, 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə işəgötürənin Azərbaycan Respublikasının sığortaçılarına ödədikləri sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər;

116.2-ci maddə yeni redaksiyada   

Fiziki şəxsin Azərbaycan Respublikası sığortaçıları ilə 3 ildən az olmayan müddətə bağlanmış və sığorta ödənişinin sığorta müqaviləsinin qüvvəyə mindiyi andan etibarən 3 illik müddət keçdikdən sonra verilməsini nəzərdə tutan həyatın yığım sığortası və pensiya sığortası üzrə bağladığı sığorta müqavilələri əsasında vergiyə cəlb olunan gəlirlərinin 50 faizindən çox olmayan hissəsindən hesablayıb ödədiyi sığorta haqları vergitutma məqsədləri üçün işəgötürən tərəfindən həmin fiziki şəxsin muzdlu işlə əlaqədar alınan gəlirindən çıxılır.

116.2-ci maddə köhnə redaksiyada   

-Fiziki şəxsin Azərbaycan Respublikası sığortaçıları ilə 3 ildən az olmayan müddətə bağlanmış və sığorta ödənişinin sığorta müqaviləsinin qüvvəyə mindiyi andan etibarən 3 illik müddət keçdikdən sonra verilməsini nəzərdə tutan həyatın yığım sığortası və pensiya sığortası üzrə bağladığı sığorta müqavilələri əsasında ödədiyi sığorta haqları vergitutma məqsədləri üçün işəgötürən tərəfindən həmin fiziki şəxsin muzdlu işlə əlaqədar alınan gəlirindən çıxılır.

Vergilər Məcəlləsinə edilən dəyişikliyə görə, 8000 min manataədək əməkhaqqı üçün gəlir vergisi sıfıra endirilir. Məcburi Sosial Sığorta haqqının isə 10%-i işçi, 15%-i işəgötürən tərəfindən ödəniləcəkdir.

Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərində işləyən fiziki şəxslərin muzdlu işdən aylıq gəlirlərindən vergi 2019-cu il yanvarın 1-dən 7 il müddətində aşağıdakı cədvələ uyğun olaraq tutulur:

Neft-qaz sahəsində fəaliyyəti olmayan və qeyri-dövlət sektoruna aid edilən sığortaedənlərdə işləyən sığortaolunanların muzdlu işdən aylıq gəlirlərindən məcburi dövlət sosial sığorta haqqı 2019-cu il yanvarın 1-dən 7 il müddətində aşağıdakı dərəcələrlə ödənilir:

Dəyişiklik maaşını yığım sığortasına qoşan şəxslərə təsir edəcəkdir.

1. Gəlir vergisi sıfıra endirildiyindən, 8000 manatadək maaşlarda gəlir vergisini investisiya gəliri kimi mənimsəmək olmayacaq.

2. Aylıq gəlirin 50%-inə qədər hissəsi həyatın yığım sığortasına qoşulduqda məcburi sosial sığorta haqqı hesablanmayacaq. Yəni, işçi tam maaşına düşən sosial sığorta haqqını yox, maaşının yarısına düşüən sosial sığorta haqqını gəlir kimi götürə biləcəkdir. 

Bunu sadə misalla izah edək. Tutaq ki, vətəndaşın aylıq gəliri 2000 AZN-dir. İndiyə qədər vətəndaşın bu gəlirinə vergidən və məcburi dövlət sosial sığorta haqqından tam azadolma tətbiq edilirdisə, artıq yalnız həmin gəlirin 50 %-i (1000 AZN) gəlir vergisindən və məcburi dövlət sosial sığorta haqqından azad olacaqdır. Yəni vətəndaş ay ərzində öz qazandığı gəlirdən 1000 AZN-ə qədər hissəni həyatın yığım sığortasına qoşduqda, yönləndirilmiş bu məbləğ gəlir vergisindən və məcburi dövlət sosial sığorta haqqından azad olacaqdır.