Azərbaycan Sığortaçılar Assosiasiyasının (ASA) Ümumi Yığıncağının iclası keçirilib
ASA ötən il üzrə gəlir və xərclərini açıqladı – ÜZVLÜK HAQLARI HARA XƏRCLƏNİB?
ASA-dan FED.az-a daxil olmuş məlumatda bildirilir ki, təsisçilərin Ümumi Yığıncağının iclasında Assosiasiyanın Müşahidə Şurasının yeni tərkibi formalaşdırılıb.
ASA-dan verilən məlumata görə, iclasda Assosiasiyanın 2022-ci il üzrə fəaliyyətinə dair hesabat təqdim olunub, həyata keçirilən görüş və tədbirlərlə bağlı məlumat verilib.
Bildirilib ki, 2021 və 2022-ci illərdə sığorta bazarında ardıcıl olaraq qeydə alınan 16% və 15%-lik böyümənin formalaşmasında Azərbaycan Sığortaçılar Assosiasiyasının müstəsna xidmətləri olub. İstər dövlət və özəl sektorla sığorta bazarı arasında əlaqələrin qurulması, istərsə də sığorta maarifləndirməsi və qarşısıalınma tədbirləri istiqamətində aparılan məqsədyönlü tədbirlər mövcud böyümənin təmin olunmasında bilavasitə rol oynayıb.
İclasda ASA-nın 2023-cü il üzrə nəzərdə tutulmuş fəaliyyət planı və layihələri barədə məruzə dinlənilib. Fəaliyyət planı Assosiasiyanın təsisçiləri tərəfindən müsbət qarşılanıb.
ASA-nın nizamnaməsinə uyğun olaraq, iclasda Azərbaycan Sığortaçılar Assosiasiyasının Müşahidə Şurasının yeni tərkibi də formalaşdırılıb.
Səsvermə əsasında formalaşan yeni tərkibdə ilk dəfə olaraq bir həyat sığortası şirkəti də ASA-nın Müşahidə Şurasının üzvlüyünə daxil olub.
Azərbaycan Sığortaçılar Assosiasiyasının Müşahidə Şurasının yeni tərkibi aşağıdakı kimi formalaşıb:
“A-Qroup Sığorta Şirkəti” ASC;
“Atəşgah” Sığorta Şirkəti ASC;
“Azərsığorta” Dövlət Sığorta Şirkəti;
“AzRe Təkrarsığorta” ASC;
“AzSığorta” ASC;
“İpək Yolu Sığorta” ASC;
“Qala Sığorta” ASC;
“PAŞA Sığorta” ASC;
“PAŞA Həyat Sığorta” ASC.
