2025-ci ilin yanvar-sentyabr aylarında qiymətli metalların hasilatında əhəmiyyətli artım müşahidə olunub.
Azərbaycanda mobil operatorların gəlirləri artıb - RƏQƏMLƏR
FED.az bu baradə Dövlət Statistika Komitəsinə istinadən xəbər verir. Bu dövrdə 2 984,3 kq gümüş və 2 349,0 kq qızıl istehsal edilib. Ötən ilin eyni dövrü ilə müqayisədə gümüş istehsalı 676,3 kq və ya 29,3 faiz, qızıl istehsalı isə 596,9 kq və ya 34,1 faiz artıb.
Bu, 2024-cü ilin müvafiq dövründə qeydə alınan göstəricilərlə müqayisədə xeyli yüksəliş deməkdir. Belə ki, 2024-cü ilin yanvar-sentyabr aylarında 2 308,0 kq gümüş və 1 752,1 kq qızıl hasil olunmuşdu.
Hazır məhsul ehtiyatları baxımından isə fərqli dinamika müşahidə edilib: 2025-ci il oktyabrın 1-nə olan vəziyyətə görə gümüş üzrə ehtiyatlar 759,1 kq, qızıl üzrə isə 142,2 kq təşkil edib. Müqayisə üçün, ötən ilin eyni tarixində bu göstəricilər müvafiq olaraq 663,5 kq və 302,3 kq idi. Yəni gümüş ehtiyatı 14,4 faiz, qızıl ehtiyatı isə təxminən 53 faiz azalıb.
