“Biz bu virusu sadəcə 3 aydır tanıyırıq. İsti havada koronavirusun yoxa çıxdığına dair fikirlər var, amma digər tərəfdən infeksiya isti ölkələrdə də aşkarlanıb. Bu məsələdə araşdırmalarımız davam edir”.
Eləcə də bax: Avstraliyalı alimlər: Koronavirusu 48 saat içində məhv edən - DƏRMAN TAPMIŞIQ
FED.az xəbər verir ki, bunu Ümumdünya Səhiyyə Təşkilatının (ÜST) sözçüsü Kristian Lindmayer koronavirus ətrafında yaranmış iddialara və mübahisəli məqamlara münasibət bildirərkən deyib.
Türkiyənin NTV kanalına danışan təşkilat rəsmisi isti havada koronavirusun yoxa çıxdığına dair iddianın hələlik dəqiq olmadığını bildirib.
Bundan başqa, K.Lindmayer pandemiyanın hazırda hansı dövründə olunduğuna dair suala da cavab verib: “Hazırda 1 milyondan çox koronavirus hadisəsi qeydə alınıb. Bu, çox böyük rəqəmdir. Bəzi ölkələrdə virus ümumiyyətlə daha yeni yayılmağa başlayır. Digər tərəfdən İtaliya, İspaniya və Fransada koronavirusdan günlük yoluxma hallarında azalma da görürük. Bu yaxşı xəbərdir. Sadəcə, bəlli olan budur ki, pandemiyanın son nöqtəsindən hələ çox uzağıq”.
ÜST-nin rəsmisi koronavirusa qarşı vaksinin hələlik sınaq mərhələsində olduğunu və bunun hazırlanıb milyonlarla insana paylanılması böyük vaxt alacağını da bildirib.
K.Lindmayer həmçinin virusun yayılması ilə bağlı mübahisəli məqamlara da aydınlıq gətirib:
“Virus hava ilə deyil, damcı yolu ilə ötürülür. Bu damcılar öskürdükdə və ya asqırdıqda 1 metr məsafəyədək yayıla bilər. Ancaq qışqırsanız və ya yüksək səslə danışsanız damcılar daha uzun məsafəyə sıçraya bilər. Ancaq bununla belə, havada qalmır, yerə düşürlər”.
“Koronavirus daşıyıcısı 1 nəfərin 5 nəfəri yoluxdurması sadəcə bir ortalamadır. Yoluxmuş şəxs 16 nəfəri də yoluxdura bilər. Düzdür, bu ortalamanı yenə də dəyişmir”, - əlavə edib.
Report
