Türk Hava Yolları yaxın vaxtlarda sərnişinləri üçün maraqlı yeniliklər tətbiq edəcək.
Bu barədə FED.az-a şirkətin Bakı nümayəndəliyinin rəhbəri Seyfullah İlyas bildirib.
Onun sözlərinə görə, Türk Hava Yollarının sərnişinlərinə İstanbul hava limanındakı gözləmə saatlarında pulsuz hotel otaqları təqdim ediləcək.
Bir sıra reyslərin sərnişinlərinə aid olan bu yenilikdən həm «ekonom», həm də «biznes» sinifində uçanlar istifadə edə biləcəklər. Ekonom sinif sərnişinlər üçün 1 gecə, «biznes» sinifində uçanlara isə 2 gecə pulsuz hotel təqdim ediləcək.
