BOKT "Azpul” MMC informasiyadan istifadə edilməsi, onun yayılması və mühafizəsi qaydaları əleyhinə olan (Fərdi məlumatlar haqqında qanunvericiliyin pozulması) inzibati xəta üzrə məhkəməyə verilib.
FED.az xəbər verir ki, BOKT barəsində protokol İnzibati Xətalar Məcəlləsinin 375.0.1-ci maddəsi ilə iddası ilə irəli sürülüb.
Qeyd edək ki, İnzibati Xətalar Məcəlləsinin 375.0.1-ci maddəsinə görə, “Fərdi məlumatlar haqqında” Azərbaycan Respublikasının Qanunu ilə dövlət qeydiyyatı tələb olunan, lakin dövlət qeydiyyatından keçməyən informasiya sistemində fərdi məlumatların toplanılmasına və ya işlənilməsinə görə 300 manatdan 500 manatadək məbləğdə cərimə edilir.
İş Bakı Şəhər Nərimanov Rayon Məhkəməsində hakim Gültəkin Əsədovanın icraatındadır.
