Rusiya gömrük orqanlarının əsas məqsədi bütün ölkələrlə, o cümlədən Azərbaycanla gömrük prosedurları müddətinin, eləcə də biznes xərclərinin azaldılmasıdır.
Trend-in məlumatına görə, bunu Bakıda jurnalistlərə Rusiya Federal Gömrük Xidmətinin Ticarət məhdudiyyətləri, valyuta və ixracat nəzarəti İdarəsi rəisinin birinci müavini Andrey Ryazanov deyib.
Onun sözlərinə görə, hazırda Azərbaycan məhsulunun Rusiyaya daxil olması ilə bağlı mübahisəli vəziyyət yaşanmır:
"Bununla belə, gələcəkdə belə vəziyyətin olmaması üçün biz başladığımız işi başa çatdırmalıyıq".
