2023-cü ildə Naxçıvan Muxtar Respublikasında fəaliyyət göstərən 27 sahibkar İqtisadiyyat Nazirliyi yanında Sahibkarlığın İnkişafı Fondunun güzəştli kreditlərindən yararlanıb.
Güzəştli kreditlərin 96 faizi mikro sahibkarların payına düşüb
FED.az bu barədə Fonda istinadən xəbər verir.
Məlumata görə, həmin iş adamlarının layihələrinin maliyyələşdirilməsinə ümumilikdə 2 milyon 205 min manat güzəştli kredit ayrılıb. Kreditdən yararlanmış layihələr muxtar respublika ərazisində sənaye, turizm, kənd təsərrüfatı, logistika, ictimai iaşə və akvakultura kimi iqtisadiyyatın müxtəlif sahələri üzrə biznes fəaliyyətlərini həyata keçirəcək. Layihələrin icrası nəticəsində 86 yeni iş yerinin yaradılması nəzərdə tutulub.
Naxçıvandakı sahibkarlar ötən ilin fevral ayından Fondun güzəştli kreditlərindən yararlana bilir.
