Məlumata görə, tender 7 lot üzrə keçirilir. Bunlar elektrik sistemləri və avadanlıqlara (lot-1), 2 ədəd Türkiyə istehsallı, “Genpower” markalı, 1600 kVA generatorlara və 2 ədəd Türkiyə istehsallı, "Çetinkaya" markalı, 3 hissəli, 1 600 kVA tənzimləyicilərə (lot-2), 1 ədəd Fransa istehsallı, “Socomec” markalı, 400 kVA UPS-ə, 3 ədəd Türkiyə istehsallı, “Makelsan” markalı UPS-ə (lot-3), yanğına qarşı mühafizə sistemlərinə, yəni avtomatik və susöndürmə sistemlərinə (lot-4), havalandırma, soyutma və isitmə sistemlərinə (lot-5), su-kanalizasiya sistemlərinə (lot-6), eləcə mühafizə sistemlərinə (giriş-çıxış, videomühafizə), daxili şəbəkəyə, İP müşahidə sisteminə, iş vaxtının uçotu üzrə proqram təminatına (lot-7) texniki xidmətlərin satın alınmasıdır.

Hər lot üzrə iştirak haqqı 200 manatdır. İddiaçılar təkliflərini və təklifin dəyərinin 5%-i qədər bank təminatını martın 13-nə qədər Maliyyə Nazirliyinin maliyyə-inzibati şöbəsində təqdim etməlidirlər (əlaqələndirici şəxslər - Anar Qasımov və Azər Hüseynov). Tender proseduru martın 15-də, saat 10:00-da Nazirliyin iclas zalında keçiriləcək.

Bundan başqa, Maliyyə Nazirliyi dəftərxana ləvazimatları (lot-1), təsərrüfat malları (lot-2) və “Kimberly-Clark” avadanlıqlarına uyğun sanitar qovşaqları üçün sərfiyyat materiallarının (lot-3) alınması məqsədi ilə tender elan edib.

Bu tenderdə isə hər lot üzrə iştirak haqqı 300 manatdır. İddiaçılar təkliflərini və təklifin dəyərinin 5%-i qədər bank təminatını martın 13-nə qədər Maliyyə Nazirliyinin maliyyə-inzibati şöbəsində təqdim etməlidirlər (əlaqələndirici şəxs - Azər Hüseynov). Tender proseduru martın 14-də, saat 10:00-da Nazirliyin iclas zalında keçiriləcək.