"Fitch Solutions” beynəlxalq reytinq agentliyi 2023-cü ildə Azərbaycanda pul siyasəti ilə bağlı proqnozunu yeniləyib.
Mərkəzi Bankın sədri: "Daha çox narahat olduğumuz məsələ inflyasiyadır"
FED.az beynəlxalq reytinq agentliyinə istinadən xəbər verir ki, “Fitch Solutions” 2023-cü ildə Azərbaycan Mərkəzi Bankının yenidən maliyyələşdirmə dərəcəsini 9,25% səviyyəsinə qədər artıracağını proqnozlaşdırıb. Bu isə agentliyin yanvar proqnozu ilə müqayisədə 1% bəndi çoxdur.
"2023-cü ilin fevralın ayında Azərbaycanda inflyasiya illik 13,9% təşkil edib ki, bu da 2015-ci ildəki manatın devalvasiyasından sonra qeydə alınan ən yüksək göstəricidir. Bu inflyasiya fonunda Azərbaycan Mərkəzi Bankı uçot dərəcəsini sərtləşdirməyə davam etdiyi üçün biz də kredit şərtlərinin sərt qalacağını gözləyirik. Biz ilin sonuna qədər uçot dərəcəsinin 9.25%-ə qədər artırılacağını gözləyirik. Biz inflyasiyanın 2023-cü ildə orta hesabla 11.5% və 2024-cü ildə 7.5% olacağını gözləyirik. Önümüzdəki aylarda qiymət təzyiqləri tədricən azalacaq, lakin pandemiyadan əvvəlki 2,5-3,0% səviyyəsindən yüksək olaraq qalacaq" - “Fitch Solutions” əlavə edib. (Apa)
