ABŞ Preidenti Co Baydenin (Joe Biden) nəhəng təşviq paketi hazırladığına dair xəbərlərdən sonra dollar digər valyutalar qarşısında bahalaşır.
Eləcə də bax: Lirənin manata qarşı məzənnəsi - Tarixi Minimumu Yeniləyib
FED.az xəbər verir ki, dollar/TL məzənnəsi bir əvvəlki rekord səviyyə olan 8,5793-ü keçərək bütün zamanların ən yüksək səviyyəsinə - 8,5981-ə çatıb.
Bu gün Türk Lirəsi Dollar qarşısında 1% ətrafında dəyərdən düşüb.
Avro/TL məzənnəsi də 10,47 ilə rekord yeniləyib.
Dollar sonuncu dəfə 6 Noyabr 2020-ci il tarixində 8,5793 türk lirəsilə rekord qırmışdı.
"New York Times"in xəbərinə görə, ABŞ Prezidenti Co Bayden, infrastruktur, təhsil və səhiyyə sərmayələrini canlandırmaq üçün ABŞ-ın federal xərclərini İkinci Dünya müharibəsindən bu yana ən yüksək səviyyəyə çatdıraraq 6 trilyon dollarlıq bir büdcə təklifi verməyə hazırlaşır. Təklifin bu gün ictimaiyyətə açıqlanacağı gözlənilir. (Marja)
