Gəncə Universiteti, Azərbaycan Texnologiya Universitetində və Gəncə şəhərindəki innovasiya mərkəzlərində “StartupFest Gəncə” Proqramının təqdimatı keçirilib.
FED.az xəbər verir ki, gənclər görüş zamanı proqram çərçivəsində keçiriləcək müxtəlif fəaliyyətlər, eləcə də Asiya İnkişaf Bankının (AİB) Azərbaycanda #texnolojistartaplar|ın inkişafına göstərdiyi dəstəyə dair məlumat əldə ediblər.
Proqramın məqsədi yaşıl enerji, kənd təsərrüfatı, təhsil, dövlət sektorunda innovasiyalar istiqamətində startapların formalaşmasına təkan verməkdir. Proqram çərçivəsində startap müsabiqəsi, habelə startap təşəbbüskarları üçün təlimlər və akselerasiya proqramının keçirilməsi nəzərdə tutulub.
Proqramın qalibləri bacarıqlarını daha da təkmilləşdirmək üçün müxtəlif fürsətlər əldə edəcəklər:
1-ci yer: Türkiyədəki inkubasiya mərkəzinə təcrübə səfəri;
2-ci yer: Təlim kuponu (5 000 AZN dəyərində);
3-cü yer: Komandanın hər üzvü üçün Udemy-yə illik abunəlik.
"StartupFest Gəncə" AİB-nin yerli texnoloji startapların inkişafına dəstək verən Texniki Yardımı çərçivəsində təşkil olunur. Vətəndaşlara Xidmət və Sosial İnnovasiyalar üzrə Dövlət Agentliyi birgə reallaşdırdığımız Texniki Yardım Koreya Respublikasının E-Asiya və Bilik Tərəfdaşlığı Fondunun tərəfindən maliyyələşdirilir.
Müraciət etmək üçün bu linkdən istifadə edə bilərsiniz: https://bit.ly/startupfestganja
Son qeydiyyat tarixi: 24 Mart
