Bu ilin yanvar-fevral ayları ərzində Azərbaycanda 26 minə yaxın vergi ödəyicisinin toplam olaraq 350 mln. manata qədər vergi borcu üzrə hesablanan faiz və maliyyə sanksiyalarının silinməsi planlaşdırılır. FED.az Report-a istinadən xəbər verir ki, bunu jurnalistlərə vergilər nazirinin müşaviri Ələkbər Məmmədov deyib.

Ə.Məmmədov bu vaxta qədər 69 mindən çox vergi ödəyicisinin faiz və sanksiyalar üzrə borcunun silindiyini deyib: "Ümumilikdə, 79 minə qədər vergi ödəyicisinin borcunun silinməsi gözlənilir".