Azərbaycan Mərkəzi Bankından yenicə lisenziya almış “ABB-İnvest”, “CPM-İnvest” və “MFX-Trading” istisna olmaqla, ölkədə fəaliyyət göstərən 8 investisiya şirkəti 2020-ci ili 6 milyon 261 min manat xalis mənfəətlə başa vurub ki, bu da onların bu il yanvarın 1-nə malik olduqları 86 milyon 308 min manat məbləğində aktivlərin 7,3%-i qədərdir.

 Azərbaycanda 3 investisiya şirkətinin xalis mənfəəti - 1 Milyon Manatdan Çoxdur

FED.az xəbər verir ki, ayrı-ayrı investisiya şirkətlərində isə sözügedən nisbət fərqlidir.

Belə ki, investisiya şirkətləri arasında aktivlərindən ən yaxşı istifadə edəni "BTB Kapital” olub. Onun əldə etdiyi xalis mənfəət aktivlərinin 14,7%-ni təşkil edib. Baxmayaraq ki, "BTB Kapital" aktivlərinin məbləğinə görə, ölkədə 6-cıdır.

Fəaliyyət effektivliyinə görə, 2-ci yeri "Azfinance" tutub. Bu investisiya şirkəti 2020-ci ildə aktivlərinin 12,8%-i qədər xalis mənfəət əldə edib. Halbuki, "Azfinance" aktivlərinin məbləğinə görə, 8 investisiya şirkəti arasında 5-ci yerdə qərarlaşıb.

3-cü yerə isə "İnvest-AZ" sahib çıxıb. Bu investisiya şirkətinin ötənilki xalis mənfəəti aktivlərinin 9,9%-i qədər olub.  "İnvest-AZ" aktivlərinin məbləğinə görə, investisiya şirkətləri arasında 4-cü yerdədir. 

(Renkinq)