Ötən gün keçirilən hərracların bağlanması zamanı Avropada qazın 1 000 kubmetrinin qiyməti 1 150 ABŞ dollarına yaxınlaşıb.

FED.az biznes və maliyyə xəbərləri portalı Apa-ya istinadən xəbər verir ki, 6 yanvar tarixində hərracların sonunda Avropanın ən likvid virtual satış mərkəzi sayılan Niderlandın "Title Transfer Facility"də (TTF) fevral fyuçerslərinin qiyməti 1 146,8 dollar təşkil edib, bu da öncəki hesablama qiyməti (1 070 dollara yaxın) ilə müqayisədə 7,2% çoxdur.

Xatırladaq ki, ötən ilin dekabrın 21-də gün ərzində Avropada qazın qiyməti bir neçə dəfə rekord vuraraq maksimum 2 190,4 dollaradək yüksəlib.