Prezident, Silahlı Qüvvələrin Ali Baş Komandanı İlham Əliyev Azərbaycan xalqına müraciət edir.
FED.az xəbər verir ki, müraciət Azərbaycan Dövlət Televiziyası vasitəsilə yayımlanır.
Dövlət başçısı bildirib ki, bu gün səhər Ermənistan Silahlı Qüvvələri müxtəlif istiqamətlərdə bizim yaşayış yerlərimizi, hərbi mövqelərimizi atəşə tutub:
"Allah şəhidlərimizə rəhmət eləsin, onların qanı yerdə qalmayacaq!"
Prezident Tovuz hadisələrini xatırladıb:
"Heç kəsə sirr deyil ki, ilk artilleriya atəşini Ermənistan açıb, düşmən dayandırıldı, ölkəmizin ərazi bütövlüyü qorundu. Sarsıdıcı zərbələr nəticəsində Ermənistan acı məğlubiyyətlə barışdı. Bizim istəyimiz olsaydı, biz Ermənistan ərazisində əməliyyatlar keçirərdik. Amma bizim belə niyyətimiz yoxdur. Hansı məqsədi güdürdü bu təxribatla Ermənistan?!
Məhz Ermənistanın riyakar siyasəti nəticəsində danışıqlar dayandırılıb. İyul ayında Azərbaycan Ermənistana layiqli cavab verdi, göstərdi ki, Azərbaycanla hədə-qorxu dilində danışan cəzasını alacaq. Amma onlara dərs olmadı, halbuki mən demişdim ki, bu, dərs olmalıdır. Avqust ayında Ermənistan növbəti txribata əl atıb diversiya göndərdi. Azərbaycan hərbçiləri tərəfindən saxlanıldı diversiya qrupunun rəhbəri.
Və növbəti hərbi təxribat bu gün törədildi, onların cəzalarını aldı və alacaq. Ermənistanın təxribatları eyni zamanda Ermənistan hərbi rəhbərliyi tərəfindən verdiyi açıqlamalarda da bilinir. O, demişdi ki, "Qarabağ Ermənistandır və nöqtə" Bu, yalandır!
Qarabağ Azərbaycandır və Nida. İkincisi, bu təxribat danışıqlar prosesinə vurulan zərbə idi. Əgər Baş Nazir bu sözü deyirsə, hansı danışıqlardan söhbət gedə bilər?!
Bundan başqa, Azərbaycan heç vaxt xunta rejimi ilə danışıqlar aparmayacaq. Ermənistanın əsas məqsədi danışıqları pozmaq, status-kvonu saxlamaqdır. Halbuki beynəlxalq qurumlar dəfələrlə bunun əksini deyib.
Bu yaxınlarda bizim qədim şəhərimiz olan Şuşada qondarma, kriminal xunta rejiminin başçısının "andiçmə" mərasimi keçirilib. Onlar şüurlu şəkildə bizi təxribatlara çəkirlər. Bunun acı nəticəsini görəcəklər. Şuşaya parlament köçürüllməsi haqda xəbər növbəti təxribatdır.
Baş NAzirləri bəyan etdi ki, on minlərlə "könüllü" hərbi birləşmələr yaradılır. Kimə qarşı onlar vuruşacaq?! Bax bu gün törədilən təxribatın hazırlığı idi.
Mən demişdim ki, Ermənistan yeni müharibəyə hazırlaşır. Ermənistan dayandırılmalıdır və dayandırılır.
Ermənistan qanunsuz köçürmələr həyata keçirir, bu, hərbi cinayətdir. Buna görə Ermənistan cavab verəcək, işğal edilmiş torpaqlarda məskunlaşma aparmaq cinayət hesab edilir.
İş burasındadır ki, Ermənistanda mövcud ağır iqtisadi vəziyyətə görə demoqrafik böhran yaşanır. İnsan resusrları yoxdur ki, orada adamlaırnı yerləşdirsinlər. Xaricdə yaşayan ermənilərə ümid edir.
Bizdə olan dəqiq məlumata görə, işğal edilmiş ərazilərimizdə Ermənistan qanunsuz məskunlaşma aparılır, Kəndlərimizin adı dəyişir, abidələrimiz dağıdılır, təhqir edilir, məscidlərimizdə ermənilər inək-donuz saxlayır. Bizim əcdadlarımızın qəbirləri traktorla dağıdılır. Onlar faşist, vandallardır.
Bu yaxınlarda orada keçirilmiş hərbi təlimlər növbəti təxribat sayılmalıdır. Bir məqsəd var- Azərbaycana hüsum etmək, yeni torpaqları işğal etmək.
Azərbaycan heç bir təxribata əl atmayıb. Sadəcə olaraq öz maraqlarımızı, mövqeyimizi müdafiə edirik. Alnıaçıq aparırıq mübarizəni.
Tarixi həqiqət bizim tərəfimizdədir. Bütün təşkilatlar bizim ərazi bötüvlüyünü tanıyır. 30 ilə yaxındır ki, beynəlxalq danışıqlar aparılır. Bunun sonunda Ermənistan bütün prosesi iflic vəziyyətə salıb.
