Çinin aparıcı e-ticarət firmalarından biri olan PDD Holdings-in qurucusu və keçmiş sədri Colin Huangın həftənin əvvəlində sərvəti təxminən 14 milyard dollar azalıb.
Birjada pul qazanmaq mümkündürmü?
FED.az xəbər verir ki, ikinci rübün mənfəəti gözləntilərdən aşağı düşdükdən sonra şirkətin səhmləri 30% ucuzlaşıb.
PDD Holdings iyunun 30-da başa çatan rübdə səhm başına 23,24 yuan (3,20 dollar) azaldılmış mənfəət əldə etdiyini bildirdi. Şirkətin satışları 97,06 milyard yuan (13,64 milyard dollar) təşkil edib ki, bu da analitiklərin 100,17 yuan (14,1 milyard dollar) gözləntisindən aşağı olub. Lakin əməliyyat mənfəəti kəskin artaraq keçən ilin eyni rübündəki 1,78 milyard dollardan 4,4 milyard dollara yüksəldi.
PDD-nin maliyyə üzrə vitse-prezidenti Jun Liu verdiyi açıqlamada şirkətin gəlir artım tempinin rübdən rüb yavaşladığını və bu tendensiyanın "gücləndirici rəqabət və xarici çağırışlar" səbəbindən davam edəcəyini söylədi. PDD-nin baş direktoru Lei Chen, şirkətin biznesini inkişaf etdirmək üçün "qısamüddətli qurbanlar verməyə hazır olduğunu" vurğuladı.
PDD, Çində iqtisadi tənəzzül və yüksək işsizlik nisbətləri ilə mübarizə aparan yeganə onlayn bazar deyil. Alibaba və JD.Com kimi digər nəhəng e-ticarət platformaları da eyni şəkildə gözləntiləri yerinə yetirmədi. İyun ayında Alibaba xalis gəlirlərinin 28,77% azaldığını bildirdi və JD.Com da eyni ayda gəlir gözləntilərini yerinə yetirə bilmədi.
Colin Huang 2015-ci ildə Pinduoduo-nu qurdu və şirkət daha sonra adını PDD Holdings olaraq dəyişdirdi. Huang'ın sərvəti 2019-cu ildə təxmin edilən 13,5 milyard dollardan 2021-ci ildə 55,3 milyard dollara çatıb və bu il orta hesabla 38,9 milyard dollar səviyyəsindədir. Huang 2021-ci ilə qədər şirkətin sədri vəzifəsində çalışıb və əsas səhmdar olaraq qalır. 2022-ci ildə PDD, ən böyük rəqibi Shein olan Temu onlayn büdcə bazarını işə saldı.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
