Çərşənbə axşamı ABŞ-da açıqlanan "Conference Board" (CB) İstehlakçı Güvən İndeksinin mart ayında 103.4 bənddən 104.2 bəndə yüksəldiyi görünür. İndeksdəki artıma baxmayaraq, alt detallardakı mənfi dəyişiklik diqqət çəkdi.
Birjada necə qazanırlar? - 2023-cü ildə investorlar üçün – «İNVESTAZ»DAN PROQNOZLAR
Əmək bazarı ilə bağlı gözləntilər mənfidir. İstehlakçıların cari əmək bazarına yanaşması mart ayında 153.0 punktdan 151.1 punkta düşdüyü halda, onun yaxın müddətli əmək bazarı ilə bağlı gözləntiləri 70.4 bənddən 73.0 bəndə yüksəlib. Son bir ayda əmək bazarı ilə bağlı nikbinlik olsa da, gözləntilər 80.0 bənd həddinin altında qalmaqdadır ki, bu da indeksdə 13 ay ərzində durğunluqdan xəbər verir.
Amma eyni zamanda iş şəraitinin pisləşdiyini düşünənlərin nisbəti artıb. Hesabatda istehlakçıların hazırkı iş şəraitinin pisləşdiyi bildirilib və sorğuda şəraitin pisləşdiyini bildirənlərin nisbətinin 17.4%-dən 19.3%-ə yüksəldiyi qeyd edilib.
Dünə ABŞ Federal Ehtiyatlar Sisteminin (FED) sədr müavini Maykl Barr ABŞ Senatında son bank uğursuzluqları və federal tənzimləyicilərin müdaxiləsi ilə bağlı keçirilən iclasda ölkənin bank sisteminin möhkəm və dayanıqlı olduğunu, güclü kapital və likvidliyə malik olduğunu bildirib.
İflas edən bankların rəhbərliyin xalis faiz dərəcəsi və likvidlik risklərini həll edə bilmədiyini ifadə edən Barr, bankların lazımi tədbirləri görmədiyini müdafiə etdi.
Həmçinin investorlar FED-in faiz artımlarını dayandırması, hətta faiz endirimlərinə başlayacağı ehtimallarını qiymətləndirirlər. Qeyd edək ki, valyuta birjalarında növbəti iclasda bankın 80% ehtimalla faiz dərəcələrini dəyişməyəcəyi təxmin edilir.
Bu ziddiyyətli məqamlar fonunda dollar major valyutalar qarşısında ucuzlaşmaqda davam edir.
Məlumat “İnvest-AZ İnvestisiya Şirkəti” QSC-nin Analitika Departamenti tərəfindən hazırlanıb.
