(İngiltərə və Avrozonada inflyasiya göstəriciləri)
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
İnvestisiya şirkətlərinin dövriyyələri açıqlandı - SİYAHI
Ötən həftənin çərşənbə və günü cümə günləri ABŞ-da proqnozların çox altında açıqlanan inflyasiya göstəricilərindən sonra dollar indeksi (DXY) həftəni psixolijo dəstək həddi hesab edilən 100 bənd səviyyəsinin altında tamamladı.
İnflyasiyanın yavaşlamağa davam etdiyini göstərən məlumatlar ABŞ Federal Ehtiyatlar Sisteminin (FED) rəsmilərinin növbəti faiz artımı ilə bağlı mövqelərini yenidən nəzərdən keçirə biləcəkləri ehtimallarını artırır.
Bu həftə çərşənbə axşamı günü Amerikada açıqlanacaq iyun ayı pərakəndə satış məlumatlarının avtomobil satışlarında canlanma və benzin satışlarında artım səbəbiylə 0.5% artacağı proqnozlaşdırılır ki, bu da istehlakçı tələbinin davamlı olaraq yüksək qaldığını göstərir.
İnvestorlar həmçinin tikinti üzrə icazələrin və yeni tikilən mənzillərin sayı, eləcə də cari ev satışları ilə bağlı məlumatlarla mənzil sektorunun vəziyyəti haqqında məlumatlandırılacaqlar. Yüksək ipoteka faizləri mövcud ev satışlarını təzyiq altında saxlasa da, sabit qiymətlər və bazarda mənzil çatışmazlığı səbəbindən yeni ev satışlarının artması tikinti sektorunda yaxşılaşmaya siqnal ola bilər.
Bundan əlavə, cari həftə ərzində durğun qalması gözlənilən regional istehsal fəaliyyətləri ilə bağlı hesabatlar, həmçinin işsizlik müavinatı üçün müraciətlərin sayı ilə bağlı həftəlik məlumatlar da açıqlanacaq.
Ötən həftəni 99.90 bənd səviyyəsində başa vuran DXY-da qiymətlər 100 bənd səviyyəsindəki psixoloji dəstək həddinin altında qaldığı müddətcə, eniş tendensiyası davam edə bilər.
EUR
Ötən həftəni 1.1220 həddinin üzərində tamamlayan EURUSD məzənnəsində qiymətlər 1.12$-ın üzərində qaldığı müddətcə, artım tendensiyası davam edə bilər. Bu həftə Avrozonada açıqlanacaq inflyasiya göstəriciləri avronun dollar qarşısında qiymətlərinə təsir edə bilər.
GBP.
Dollar qarşısında ötən həftə 1.2750 həddindən dəstək alaraq 1.3140 hədlərinə kimi bahalaşan GBPUSD məzənnəsində qiymətlərin necə dəyişəcəyi ilə bağlı suallara aydınlıq gətirmək üçün bu həftə investorlar İngiltərədə dərc olunacaq İstehlak Qiymətləri İndeksi və pərakəndə satış dövriyyəsinin həcminə dair statistik rəqəmləri diqqət mərkəzində saxlayacaqlar.
FOND BİRJALARI
İkinci rübün qazanc hesabat mövsümü gələn həftə ciddi şəkildə başlayacaq.
“Tesla” bu il ABŞ fond bazarında dominantlıq edən kütləvi artım və texnologiya nəhənglərindən ilk olaraq çərşənbə günü ikinci rüb üzrə nəticələrini paylaşacaq.
“Tesla”, “Apple”, “Microsoft”, “Alphabet”, “Amazon”, “NVIDIA Corporation” və “Meta Platforms” ilə birlikdə investorlar tərəfindən "Möhtəşəm Yeddilik" adlandırılan yeddi nəhəng şirkətin səhmləri bu il indiyədək 40% ilə 200% arasında dəyər qazanaraq “S&P 500”-dəki artımında əsas rol oynayıblar.
Rallinin digər sektorlara da yayıldığına dair əlamətlər var, lakin böyük qazanclar böyük qazanc gözləntiləri ilə gəlib. Beləliklə, “Tesla” və digər meqa-tutumlu şirkətlər bu rübdə uğursuzluğa düçar olarsa, bu, fond indekslərinə ciddi zərbə ola bilər.
Bir sıra digər böyük şirkətlər də gələn həftə öz gəlir hesabatını açıqlayacaqlar. Çərşənbə axşamı “Bank of America” və çərşənbə günü “Goldman Sachs” ilə bankların gəlir hesabatlarının dərci davam edəcək. Həmçinin “Johnson & Johnson”, “Netflix” və “Philip Morris” də hesabatlarını yayımlayacaqlar.
Qeyd edək ki, bu həftə ərzində həmçinin Kanadada açıqlanacaq inflyasiya göstəricilər və Türkiyə Cümhuriyyəti Mərkəzi Bankının faiz qərarı da investorların diqqət mərkəzində olacaq.
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin Analitika Departamenti
“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
