Avropada proqnozların çox üzərində açıqlanan inflyasiya göstəriciləri fonunda ötən həftənin sonuna doğru dollar indeksi ucuzlaşaraq həftəni enişlə tamamladı. Lakin vurğulamaq istərdik ki, ötən həftənin cümə günü ABŞ Federal Ehtiyatlar Sisteminin faiz artımlarını hələ uzun müddət davam etdirəcəyinə dair ehtimallar daha da qüvvətləndi. Beləki, FED inflyasiyanın azaldılmasında qərarlı olduğunu bir daha bəyan edərək, faiz artımlarının davam etdirilməsinin məqsədəuyğun olacağını bildirib.
Birjada necə qazanırlar? - 2023-cü ildə investorlar üçün – «İNVESTAZ»DAN PROQNOZLAR
FED-in ABŞ Konqresi üçün hazırladığı və ildə iki dəfə Konqresə təqdim etdiyi yarımillik Pul Siyasəti Hesabatının mart sayı dərc olunub. Qeyd edək ki, hesabatda inflyasiyanın artım sürətində azalma olsa da, hələ də “FOMC”-un 2%-lik inflyasiya hədəfindən çox uzaq olduğu və hədəf inflyasiya çatmaq üçün gərəkli olan bütün addımların atılacağı bir daha vurğulanıb.
Bu həftə isə Amerikada açıqlanacaq əmək bazarı, xüsusilə də “NFP” göstəricisi, həmçinin Avrozonada, İngiltərədə və Yaponiya dərc olunacaq ÜDM göstəriciləri, eləcə də Avropa, Yaponiya və Avstraliya Mərkəzi Bank sədrlərinin çıxışları dolların major valyutalar qarşısında qiymətlərinə ciddi təsir edə bilər.
Qeyd edək ki, bu gün Bakı vazxtı ilə saat 19:00-da FED sədri J.Pavel Konqres qarşısında Pul Siyasəti Hesabatı ilə çıxış edəcək. Bu çıxışın birjalarda qiymətlərə ciddi təsir edə biləcəyi proqnozlaşdırılır.
Hazırda qiymətli metallar bazarında 1847$-dan təklif edilən qızıl 1853$ həddini qırsa, 1860$ və 1870$-a kimi bahalaşa bilər.
Məlumat “İnvest-AZ İnvestisiya Şirkəti” QSC-nin Analitika Departamenti tərəfindən hazırlanıb.
