"İstehsal müddəti 3 ildən az olan ekoloji təmiz avtomobillər ƏDV-dən azad olunub. Lakin mən bu güzəştlərin də əleyhinəyəm. Çünki bu halda biz yenə də köhnə avtomobillərdən qurtula bilməyəcəyik".
Eləcə də bax: Azərbaycana idxal olunan avtomobillərin yarıdan çoxu - İŞLƏNMİŞ MAŞINLARDIR
Bunu FED.az-a açıqlamasında Dövlət Gömrük Komitəsinin Gömrük ödənişləri idarəsinin rəisi Tariyel Alverdiyev deyib.
T.Alverdiyevin sözlərinə görə, buraxılış ili köhnə, lakin ekoloji təmiz avtomobillərə də güzəşt tətbiq edilsə ölkə köhnə avtomobillərdən azad olmayacaq:
"Bəzən deyirlər ki, niyə buraxılış ili 2015 olan ekoloji təmiz avtomobillərə güzəşt olunmur, ancaq istismar müddəti 3 ildən az olan avtomobillərə olunur. Mən köhnə avtomobillərdən qurtulmaq üçün bunun da əleyhinəyəm. Çünki həmin avtomobillər ekoloji təmiz olsa da biz çalışmalıyıq ki, köhnə avtomobillərdən azad olaq. Mən istifadəsinin artımı üçün yeni avtomobillərə güzəşt tətbiq etməyin tərəfdarıyam. Deyə bilərsiniz ki, yeni avtomobil almaq çətindir. Doğrudur, lakin qarşıda bizi bank kreditlərinin asanlaşdırılması gözləyir. Bu da yeni avtomobillərin əlçatan olması deməkdir".
