"Bu gün Azərbaycanın avtomobil parkı köhnəlib və gündən-günə də könhəlir".
Eləcə də bax: Yanvarın 1-dən hibrid avtomobillərin idxalı və satışı - ƏDV-dən AZAD EDİLİR
FED.az biznes və maliyyə xəbərləri portalı Report-a istinadən xəbər verir ki, bunu Dövlət Gömrük Komitəsinin (DGK) Gömrük tariflərinin tənzimlənməsi və ödənişlər Baş idarəsinin rəis müavini Əsgər Məmmədov bildirib.
Eləcə də bax: Yanvarın 1-dən köhnə avtomobillərə görə aksiz dərəcələri - ARTIRILIR
O, bu barədə Lənkəran şəhərində DGK və Medianın İnkişafı Agentliyinin kütləvi informasiya vasitələrinin nümayəndələri üçün “Gömrük sistemində islahatlar: Nəticələr, perspektivlər” mövzusunda keçirdiyi təlimin II günündə danışıb.
"2020-ci ilin sonuna Azərbaycanda 1 milyon 264 min 542 ədəd avtomobil olub. Halbuki, 1990-cu ilin sonunda bu rəqəm 260 min 210 ədəd təşkil edib. Əgər 1990-cu ildə ölkədə avtobusların sayı 14 min 44 ədəd olubsa, 2020-ci ilin sonuna bu rəqəm 30 min 757 ədədə çatıb.
Hazırda ölkədəki avtomobil parkındakı minik avtomobillərinin 993 365 ədədi 10 il və daha yuxarı müddətdə istifadə olunan avtomobillərdir. 220 129 ədəd minik avtomobili yaşı 5 ildən 10 ilə qədər, yalnız 51 048 ədəd isə yaşı 5 ilə qədər olan avtomobillərdir.
Ölkədəki avtobusların 25 829 ədədi 10 il və daha yuxar müddətdə istifadə olunan avtobuslardır. Bunun 3 632 ədədi 5 ildən 10 ilə qədər, yalnız 1 296 ədəd avtobus 5 ilə qədər istifadə olunmuş avtobuslardır. Bu da onun göstərir ki, bu gün artıq ölkənin avtomobil parkı köhnəlib və gündən-günə də könhəlir. Dövlət Gömrük Komitəs avtomobil parkının yenilənməsi ilə bağlı ciddi işlər aparır. Bura utilisaziya proqramları da daxil ediləcək", - deyə gömrük rəsmisi qeyd edib.
