Türkiyə ötən ilin böyük bir hissəsində Aralıq dənizinin lideri olan İspaniyan daha çox turist qəbul edərək liderliyi ələ keçirib və Türkiyədə otellərin doluluğu ikiqat artıb.
Eləcə də bax: Azərbaycana turist axını dekabrda - 2,5 DƏFƏ ARTIB
FED.az xəbər verir ki, İspaniyanın sərhədə giriş agentliyinin (Frontur) məlumatına görə, 2021-ci ilin 11 aylıq dövründə (yanvar-noyabr) İspaniyaya gələnlərin sayı 2020-ci ilin eyni dövrü ilə müqayisədə 54,1 faiz artaraq 28,2 milyon nəfərə çatıb.
Eyni dövrdə Türkiyəyə gələn xarici ziyarətçilərin (turistlərin) sayı 29,9 milyon nəfər olub, beləliklə Türkiyə tarixdə ilk dəfə turist sayında İspaniyanı qabaqlayıb.
Birləşmiş Millətlər Təşkilatının Dünya Turizm Təşkilatı (UNWTO) və Türkiyə Statistika Təşkilatının (TÜİK) turizm məlumatlarına görə, Türkiyə 2021-ci ildə pandemiyadan əvvəlki dövrlə müqayisədə turist sayına görə dünyadakı payını iki dəfə artırıb. 2019-cu ildə Türkiyəyə 50 milyon turist gəlib. Həmin vaxt dünyada turistlərin ümumi sayı 1,4 milyard nəfərə çatmışdı. Türkiyənin payı isə 3,5% olmuşdu. 2019-cu ildə dünya üzrə 1,4 milyard insan səyahət etdiyi halda, 2021-ci ildə bu rəqəm 415 milyon nəfər təşkil edib. Türkiyə 2021-ci ildə xaricdə yaşayan vətəndaşlar da daxil olmaqla 30 milyondan çox turist qəbul edib. Onun payı 7,2 faizi ötüb.
Ötən il ilin əhəmiyyətli bir hissəsində İspaniyadan daha çox turist qəbul edən Türkiyədə otel doluluğu 45% artaraq 52 faizə çatıb.
"Cushman & Wakefield "tərəfindən hazırlanan "Türkiyə Bazar Analizi - 2021" hesabatındakı məlumatlara görə, xarici turistlərin artması otel doluluq nisbətlərini ikiqat artırdıb. Türkiyədə 2021-ci ildə otel doluluq nisbəti əvvəlki ilin eyni dövrü ilə müqayisədə 45% artaraq 52% təşkil edib. İstanbulda isə bu nisbət 55% olaraq qeyd alınıb. Bir gecəlik satılan otaqların orta qiyməti də artıb. Türkiyə və İstanbulda otaq qiymətləri müvafiq olaraq 82 və 91 Avro təşkil edib.
Turizm sektoru 2021-ci ildə səyahət məhdudiyyətlərinin aradan qaldırılması və peyvənd olunanların sayının artması ilə toparlansa da, epidemiyadan əvvəlki dövrdən geri qaldığı müşahidə edilib. Epidemiyanın davam edən təsirlərinə baxmayaraq, Türkiyəyə gələn xarici turistlərin sayı 2020-cik ilə nisbətən 88,08% artaraq 30,97 milyon nəfər olub. İstanbulda ötən illə müqayisədə 80,5 faiz artımla 9 milyon xarici turit qeydə alınıb. (Marja)
