Turizm

Pandemiyadan sonra təyyarə biletləri - BAHALAŞACAQ

Pandemiyadan sonra təyyarə biletləri - BAHALAŞACAQ | FED.az
09:20 25 Aprel 2020

Post-pandemiya dövründə aviabiletlərin qiymətində bahalaşma müşahidə oluna bilər.  

Eləcə də bax: «Bileti qaytarmırlar, müştəri də bizi polislə hədələyir» - TURİZM ŞİRKƏTLƏRİNDƏ YENİ PROBLEM

FED.az xəbər verir ki, bu barədə məlumatı turizm üzrə mütəxəssis Rəhman Quliyev bildirib. Ekspert bildirib ki, bilet qiymətlərinin qalxmasına səbəb Beynəlxalq Aviasiya Assosiasiyasının tövsiyələrinə uyğun olaraq, ilk uçuşlarda təyyarənin tutumunun yarısı və ya üçdə biri qədər biletlərin satılacağıdır:

“Hər hansı fövqəladə vəziyyət yarandıqda bu, ilk başda turizm sektoruna ciddi zərbə vurur. Ölkəmizdə pandemiya səngiyən kimi yerli turistləri regionlara göndərmək üçün müvafiq tədbirlər görülməlidir. Bu gün regionlarda olan otellər yerli turistlərlə müəssisələri saxlamaqda  çətinlik çəkəcək. Çünki regionlara gedən turistlər adətən səhər gedib axşam qayıdırlar. Bu da, o demək deyil ki, otellər yerli turistlərlə öz otellərini saxlaya, işçi qüvvəsini dolandıra biləcəklər, ayaqda qalacaqlar. Yardım davam etdirilsə, regionlardakı otellər də düzgün qiymət siyasəti yürütsə, vətəndaşlarımız üçün minimum qiymətlərlə bazara çıxsa, insanların oraya gəlməsini təmin edə bilər. Burada ən əsas məsələ qiymətdir". 

Bundan başqa, beynəlxalq uçuşlar başlamasa, paytaxtda yerləşən otellər böyük çətinliklərlə üzləşəcək.

Mütəxəssis qeyd edib ki, hazırda yay ayları üçün qabaqcadan tur-paketlər alan vətəndaşlarla turizm şirkətləri üz-üzə qalıb:

“Yay ayları üçün qabaqcadan tur-paket alan vətəndaşlarla bağlı hazırda tur şirkətlərində müzakirələr aparılır. Qabaqcadan müəyyən rezervasiyalar olunub və tur şirkətləri həmin məbləğləri aidiyyatı üzrə ödəyib, yəni, maliyyə onlardan çıxıb. Şirkətlər burada vasitəçi rolunu oynayırlar. İnanıram ki, heç bir vətəndaşın pulu batmayacaq. Çünki aviaşirkətlər, partnyor şirkətlər, xaricdə yerləşən otellər vaxt dəyişikliyinə üstünlük verir”.

Digər xəbərlər