Turizm

Otellərə qoyulan tələblər - LƏĞV EDİLDİ

Otellərə qoyulan tələblər - LƏĞV EDİLDİ | FED.az
19:49 4 Sen 2020

Nazirlər Kabineti “Koronavirus (COVID-19) pandemiyası dövründə Azərbaycan Respublikasında mehmanxanaların fəaliyyətinin təşkili Qaydaları”nda dəyişiklik edib.

Eləcə də bax: Sentyabrın 8-dən kafe-restoranlar - BU QAYDALARLA İŞLƏYƏCƏK

FED.az xəbər verir ki, əvvəlki Qaydalara əsasən, mehmanxananın bütün işçi heyəti yeddi gündə bir dəfə mehmanxana daxilində və mehmanxana hesabına COVID-19 testindən keçirilməli idi.

Eyni zamanda, COVID-19 olan, habelə son 48 saat ərzində COVID-19 testinin nəticəsinin neqativ olması barədə müvafiq arayışı olmayan, xəstəlikdən sağalmış (sonuncu COVID-19 testinin nəticəsinin neqativ çıxdığı tarixdən minimum 14 gün keçməlidir), lakin son testin nəticəsinin neqativ çıxması tarixindən 14 gün keçməyən, habelə testin nəticəsi pozitiv çıxmış şəxslərlə təmasda olması səbəbindən özünütəcrid rejimində olan qonaqlar mehmanxanaya qəbul edilmirdilər.

Dəyişikliyə əsasən, bu tələblərə dair Nazirlər Kabinetinin 2020-ci il 8 avqust tarixli 287 nömrəli Qərarı ilə təsdiq edilmiş “Koronavirus (COVID-19) pandemiyası dövründə Azərbaycan Respublikasında mehmanxanaların fəaliyyətinin təşkili Qaydaları”nın 4.14.2-ci və 11.1.11-ci yarımbəndləri ləğv edilir.

Digər xəbərlər

Banner