Banner

Turizm

Azərbaycandan xaricə gedən turistlərin sayında - BÖYÜK ARTIM

Azərbaycandan xaricə gedən turistlərin sayında - BÖYÜK ARTIM | FED.az
14:48 19 Mart 2019
2019-cu ilin yanvar-fevral aylarında xarici ölkələrə gedən Azərbaycan vətəndaşlarının sayı əvvəlki ilin müvafiq dövrü ilə müqayisədə 25,5% artaraq 731,6 min nəfər olub.

FED.az Dövlət Statistika Komitəsinə istinadən xəbər verir ki, ölkə vətəndaşlarının 36,5%i İrana, 26,2%i Gürcüstana, 18,4%i Rusiya Federasiyasına, 9,8%i Türkiyəyə, 1,1%i Ukraynaya, 1,0%i Birləşmiş Ərəb Əmirliklərinə, 7,0%i isə digər ölkələrə səfər etmişdir. Gedənlərin 67,7%i kişilər, 32,3%i isə qadınlar olmuşdur.


Eləcə də bax: Azərbaycana ən çox hansı ölkələrdən turist gəlib? – SİYAHI

Bu dövrdə İrana gedən Azərbaycan vətəndaşlarının sayı 83,8%a, Rusiya Federasiyasına gedənlərin sayı 7,3%, Gürcüstana gedənlərin sayı 7,0%, Türkiyəyə gedənlərin sayı isə 1,9%  artmışdır.

Cari ilin yanvar-fevral aylarında xarici ölkələrə səfər etmiş Azərbaycan Respublikası vətəndaşlarının 83,0%i dəmir yolu və avtomobil, 16,1%i hava, 0,9%i isə su nəqliyyatından istifadə etmişdir.
 
 

 

Digər xəbərlər

Banner