2018-ci ildə Latviyanın əhalisi 0,98 faiz, yəni 18 min 830 nəfər azalıb.
FED.az xəbər verir ki, “Worldometers” beynəlxalq təşkilatının açıqladığı rəqəmlərdə bildirilir ki, bu göstərici ilə Latviya əhalisi sürətlə azalan birinci ölkədir. Latviya Statistika İdarəsi ölkə əhalisinin azalması faktını qəbul etsə də, bu rəqəmin daha az olduğunu qeyd edib.
Eləcə də bax: Vətəndaşlığını ala biləcəyiniz ölkələr - QİYMƏTLƏR
Rəsmi məlumata görə, ötən il ölkə əhalisinin sayında 14 min nəfər azalma müşahidə edilib ki, bu da 0,74 faiz deməkdir. Lakin bu rəqəmlər də Latviyanın əhalisinin azalma sürətinə görə dünya ölkələri sırasında birinci olması faktını dəyişmir. Çünki ikinci yerdə olan Bolqarıstanda bu göstərici 0,68 faizə bərabərdir.
Qeyd edək ki, Latviya əhalisinin azalmasının əsas səbəbi başqa ölkələrə köç etmələridir.
