Turizm

2019-cu il Azərbaycanda gəlmə turizmi üzrə - REKORD İL OLACAQ

2019-cu il Azərbaycanda gəlmə turizmi üzrə - REKORD İL OLACAQ | FED.az
16:47 20 Noy 2019

2019-cu il Azərbaycanda gəlmə turizmi üzrə rekord il olacaq.FED.az Dövlət Turizm Agentliyinə istinadən xəbər verir ki, 2019-cu ilin yanvar-oktyabr ayları ərzində Azərbaycanı ziyarət edənlərin sayı ötən ilin eyni dövrü ilə müqayisədə 10.9% və ya 264 min nəfər artaraq təqribən 2.7 milyona çatıb. 

Eləcə də bax:Azərbaycanın turizm brendi Londonda - MÜKAFATLANDIRILIB

Bu da 2019-cu ildə Azərbaycana gələn xarici vətəndaşların sayının 3 milyondan artıq olacağına əsas verir. 
Qonaqların böyük hissəsi Rusiyadan (təqribən 800 min nəfər) və Gürcüstandan (təqribən 600 min nəfər) gəlib. Bu iki ölkədən gələnlər Azərbaycanı ziyarət edən qonaqların 51.9%-ni təşkil edir.  

Mərkəzi və Cənubi Asiyadan gələn xarici vətəndaşların sayında da müvafiq olaraq 47.9% və 37.8%  artım müşahidə edilib. 

2019-cu ilin oktyabr ayı ərzində Azərbaycanı 264 min nəfər xarici vətəndaş ziyarət edib ki, bu da 52 min nəfər və ya 24.7% artım deməkdir.

Ən yüksək artım 74.3%-lə İran və 65.1%-lə Orta Asiya ölkələri arasında qeydə alınıb. Mütləq sayda ən yüksək artım isə Gürcüstan (9.6 min nəfər və ya 18% artım) və Rusiyadan (9.2 min nəfər və ya 14.4% artım) gələnlər arasında müşahidə edilib. 

Məlumatları daha ətraflı Azərbaycan, rus və ingilis dillərində əldə etmək üçün: http://bit.ly/2Onrsa0
İnfoqrafikanı Azərbaycan, rus və ingilis dillərində əldə etmək üçün: http://bit.ly/2qtKfbO

 
 

Digər xəbərlər

Banner