Nəqliyyat, rabitə və yüksək texnologiyalar naziri Ramin Quluzadə iyulun 7-də saat 12:30-da Şəki şəhərində vətəndaş qəbulu keçirəcək.
Nazirlikdən verilən məlumata görə, vətəndaş qəbulunda Şəki, Oğuz, Qəbələ, Qax, Zaqatala və Balakən rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı müraciətlər dinləniləcək.
Vətəndaşlardan “[email protected]” elektron poçt ünvanı, 1655 “Çağrı Mərkəzi”, 012 598 38 18 nömrəli telefon vasitəsi ilə (regionlardan edilən zənglər pulsuzdur) əlaqə saxlayıb qəbula yazılmaları xahiş olunur.
Eyni zamanda, qəbula gəlmək istəyən vətəndaşlar zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar.
Bunun üçün:
Şəki rayonunda 024 2448790
Oğuz rayonunda 024 2152999
Qəbələ rayonunda 024 2052599
Qax rayonunda 024 2552980
Zaqatala rayonunda 024 2252999
Balakən rayonunda 024 2951700
nömrəli telefonlara zəng etmələri xahiş olunur.
