Havaların soyuması ilə kombi və istilik radiatorlarının qiymətləri və mağazaların təklifləri diqqət mərkəzinə çıxıb.
FED.az oxucuların marağını nəzərə alaraq paytaxtda fəaliyyət göstərən mağazalarda kombi və radiatorlarının qiymələrti və alıcılıq qabiliyyəti ilə maraqlanıb.

Keçən ilə nisbətən bu il müştərimiz azalıb – “Soliton”
Bütün günü reklam olunan “Soliton” mağazasından saytımıza bildirdilər ki, 200 kvadratmetr üçün nəzərdə tutulan kombilərin qiyməti 960-1299 manat arası dəyişir. Nağd alış zamanı 96 manat endirim olunur. 240 kvadratmetr üçün olan kombilərin qiyməti 1199-1299 manat arası dəyişir. Nağd alış zamanı, 300 manat endirim olunur. 260 kvadratmetr üçün olan kombilərin qiyməti 1466-2199 manat arası dəyişir. Nağd alış zamanı 147 manat endirim olunur. 280 kvadratmetr üçün olan kombilərin qiyməti isə 1499-2199 manat arası dəyişir. Nağd alış zamanı 350 manat endirim olunur.
Yuxarıda qeyd olunan mallar kredit ilə alınarsa faiz tətbiq olunmur. Bu mağazada kombi üçün istilik radiatorları satılmır.
Mağazadan aldığımız məlumata görə, ötən il ilə müqayisədə alıcı sayında qismən azalma müşahidə olunur. Bildirilir ki, bu mağazada ötən aylarla müqayisədə qiymət artımı olmayıb.

1900 manata kombi – “Kontakt Home”
“Kontakt Home” mağazasında qiymətlər bir az da yüksəkdir. Belə ki, 150-200 kvadratmetr üçün nəzərdə tutulan kombilərin qiyməti 1200 manatadır. Nağd alış zamanı isə bu məbləğə 300 manat endirim olunur. 320 mvadratmetr üçün nəzərdə tutulan kombi qiyməti isə 1900 manatadır. Bu kombilər nağd alış zamanı 320 manat endirimlə satılır.
Kombilər üçün istilik radiatorlarının bu mağazadakı qiyməti 15-110 manat arası dəyişir. Mağazadan iddia edirlər ki, ötən il ilə müqayisədə müştəri sayı azalmayıb.

Müştəri sayı niyə azalıb – “Baku Electronics”
“Baku Electronics” mağazasındakı yeni kombilərin qiyməti digərləri ilə müqayisədə yuxarıdır. 240 kvadratmetr üçün nəzərdə tutulan kombinin bu mağazadakı qiyməti 869-899 manat arasıdır. Maraqlıdır ki, 170 kvadratmetr üçün olan kombi də 899 manatadır. Mağazadan bildirirlər ki, bu model yeni olduğundan qiyməti yuxarıdır. 350 kvadratmetr üçün nəzərdə tutulan kombi isə 1699 manatadır.
Burada kombilər üçün istilik radiatorları da stılır. Seksiya ilə olan radiatorların bir seksiyasının qiyməti 13 manata, ölçü ilə olan radiatorların qiyməti isə 99-159 manat arasıdır. Nağd alış zamanı endirim imkanı və ya kreditlə 6 ay fazisiz alış şərtləri burada da keçərlidir.
Burada da müştərilər azalıb. Mağaza əməkdaşları qiymətlər artım etmədiklərini və bunun qiymətlə bağlı olmadığını desə də, siyahı göz önündədir.

Kombi alıcısı həmişə var – “Immergas”
“Immergas” mağazasında isə 240 kvadratmetr üçün nəzərdə tutulan kombilərin qiyməti 867-935 manat arası dəyişir. 280 kvadratmetr üçün olan kombilərin qiyməti 1150 manat, 320 kvadratmetr üçün olan kombilər isə 1258 manatadır.
Bu mağazadan bildirdilər qiymətlər qaldırılmayıb. Kombi satışı mövsümi xarakterli olduğu üçün də müştəri davamiyyətində bir dəyişiklik müşahidə olunmur.