Əvvəlki məqalələrin birində əmək stajının hesablanması ilə bağlı qanunvericilikdəki dəyişikliklərdən sonra bəzi məqamları izah etmişdik.

“Heç vaxt işləməyənlərin pensiya sisteminə girməsinə icazə vermək olmaz”

FED.az xəbər verir ki, bu dəfə isə iqtisadçı-ekspert Anar Bayramov işçinin əmək stajının hesablanmasını nümunə əsasında aydınlaşdırıb.

Əmək Məcəlləsində son dəyişikliklərlə bağlı 28 iyun 2024-cü il tarixli 1195-VIQD nömrəli Qanunun keçid müddəasında əmək stajının müəyyən edilməsinə aydınlıq gətirilib. Belə ki, Qanunun 12.1-ci maddəsinə əsasən, Əmək Məcəlləsinin 7-ci maddəsinin 2-1-ci hissəsində müəyyən edilmiş dövlət orqanlarında çalışan, eləcə də əmək müqavilələrinə 2014-cü il iyulun 1-dək xitam verilmiş işçilərin əmək stajı onların əmək kitabçası əsasında müəyyən edilir.

İndi isə praktiki misal üzərində işçinin əmək stajının hesablanması qaydasını nəzərdən keçirək.

Misal: İşçinin əmək stajı aşağıdakı kimi olub:

- 1 mart 2008-ci il tarixdən 6 il müddətində eyni iş yerində çalışıb;

- 1 mart 2014-cü il tarixdən fərqli işəgötürəndə əsas iş yeri kimi çalışdığı vəzifədə əmək stajı 4 il olub;

- Əlavə iş yeri üzrə çalışdığı işəgötürəndə isə 1 mart 2014-cü il tarixdən 18 ay çalışıb;

- 1 sentyabr 2018-ci il tarixdən etibarən 4 il müddətində ali təhsil alıb;

- 1 iyul 2022-ci il tarixdən 1 il müddətli həqiqi hərbi xidmətdə olub;

- 1 iyul 2023-cü il tarixdən 8 ay əsas iş yerində çalışıb;

- 1 dekabr 2023-cü il tarixdən 4 ay müddətində əlavə iş yerində çalışıb;

- 1 sentyabr 2024-cü il tarixdə yeni iş yerinə qəbul olunub.

İndi isə işçinin əmək stajını hesablayaq: