Bakı Nəqliyyat Agentliyi maarifləndirmə missiyasına uyğun olaraq, növbəti layihəsini təqdim edir.

BNA-dən FED.az-a verilən məlumata görə, layihə çərçivəsində yol hərəkəti və ictimai nəqliyyatda etik davranış qaydalarına riayət edilməsinin vacibliyini təbliğ edən videoçarxlar hazırlanıb.

Məlumatda deyilir ki, əsas məqsəd, insanlara avtomobil idarə edərkən və piyada kimi yolda hərəkət edərkən özlərinin və doğmalarının həyatlarına biganə qalmayaraq təhlükəsizlik qaydalarına əməl etməyin zəruriliyini izah etməkdir. Bunun üçün də videoçarxlar təsirli ssenarilər əsasında lentə alınıb.

Agentlik videoçarxların ictimaiyyətə çatdırılmasında sosioloji məsuliyyətlərini nəzərə alaraq, Bakı Nəqliyyat Agentliyinə dəstək olan İTV, ARB və XƏZƏR televiziyalarına, eləcə də APA holdinqə və avtosfer.az saytına təşəkkür edib.