Azərbaycan sığorta bazarının iştirakçılarından olan “MeqaSığorta” şirkətinin yığımlarının kəskin azalması tendensiyası davam edir.
FED.az Azərbaycan Mərkəzi Bankının (AMB) 2022-ci ilin yanvar-dekabr ayları üzrə açıqladığı hesabatına istinadən xəbər verir ki, şirkət 2022-ci il ərzində 21,129 mln. manat həcmində sığorta haqı toplayıb ki, bu da 2021-ci ilin yekun göstəricisi ilə müqayisədə 3,599 mln. manat və ya 14,6% azdır.
Yığımlardan fərqli olaraq, hesabat dövründə baş vermiş sığorta hadisələri üzrə ödənilən vəsaitlərin həcmində artım müşahidə olunub. Belə ki, son bir illə müqayisədə sığorta ödənişlərinin həcmi 1,425 mln. manat və ya 27% artaraq 6,749 mln. manata çatıb.
Şrkətdən FED.az saytına bildirilib ki, yığımların azalmasına səbəb müəyyən layihlər üzrə əvvəlki ildə bağlanan müqavilələrin müddətinin başa çatması ilə bağlıdır. Bu kimi layihələrin dayanması yekunda yığımların həcminin azalmasına gətirib çıxarır.
