Azərbaycan sığorta bazarının ən aktiv şirkəti olan “Qala Sığorta” daim müştərilərini düşünərək onları sevindirməkdə davam edir. Belə ki, şirkət bazara yeni, sərfəli şərtlərlə “Qala 100” adlı yeni sığorta məhsulu təqdim edib.
Şirkətin ictimaiyyətlə əlaqələr xidmətindən verilən məlumata görə, məhsulun yaradılmasında əsas məqsəd şirkətin məhsul çeşidini artırmaqla, daha çox xırda zərərlərə üzləşən avtomobil sahiblərinin kiçik məbləğdə sığorta haqqı ödəyərək Kasko sığorta təminatı əldə etmək istiqamətində sığorta ehtiyaclarının təmin olunmasıdır.
Şərtlərə əsasən, sığortalı “Qala 100” məhsulu almaqla avtomobilini həm hərəkətli, həm də hərəkətsiz halda üzləşə biləcəyi hər növ itki və zərərlərdən qoruya bilər. Bu təminatlar siyahısına yol nəqliyyat hadisəsi, atılmış və ya düşmüş əşya, üçüncü şəxsin qanuna zidd hərəkəti, oğurluq quldurluq, qaçırma və soyğunçuluq, eləcə də yanğın və partlayış, heyvanların hərəkəti və təbii fəlakət daxildir.
Şirkətin biznesin inkişafı ilə məşğul olan qrupu tərəfindən hazırlanan bu sərfəli məhsulda franşiza (azadolma) tətbiq olunmur. Yəni avtomobilə dəyən xırda zərər belə “Qala Sığorta” tərəfindən qarşılanır. Bu isə məhsulu, bazarda mövcud olan klassik avto-sığorta məhsullarından əhəmiyyətli dərəcədə fərqləndirir.
Məhsul çərçivəsində iki növ paket nəzərdə tutulub. Birinci paketdə müştəri 100 manat sığorta haqqı ödəməklə avtomobili üçün 1500 manat, ikincidə isə 170 manat sığorta haqqı ödəməklə 2 500 manat həcmində sığorta təminatı əldə edə bilər.
Sığorta hadisəsi baş verdikdə şirkət pulsuz evakuator xidməti, dərhal hadisə yerinə gediş, ən qısa müddətdə təmirin təşkili və təmirin keyfiyyətli olmasına nəzarət xidməti də həyata keçirir.
Qeyd edək ki, bu məhsul dəyəri 50 000 manatdan çox olan nəqliyyat vasitələrinə şamil olunmur.
Azərbaycanda ilk franşizasız avto-sığorta məhsulu - "QALA SIĞORTA"dan
14:28
30 Mart 2018
