Banner

Sənaye

Azərbaycanda dəyəri - 150 MİLYON AVRO OLAN ZAVOD TİKİLƏCƏK

Azərbaycanda dəyəri - 150 MİLYON AVRO OLAN ZAVOD TİKİLƏCƏK | FED.az
16:10 11 Dek 2019

Azərbaycanda ilk BioPlastik zavodu tikiləcək. 

FED.az xəbər verir ki, 11 dekabr tarixində İnnovasiyalar Agentliyinin dəstəyi ilə "TechnipFMC" və “Yeni Kapital” şirkətləri arasında “PLA” layihəsinin tikintisi üçün ilkin müqavilə imzalandı. Layihənin tikintisi İnnovasiyalar Agentliyinin tabeliyindəki Yüksək Texnologiyalar Parkında nəzərdə tutulur ki, bu da layihəyə vergi və gömrük güzəştləri təmin edəcək.  

Eləcə də bax: Hacıqabulda tikinti materiallarının istehsalı - ZAVODU AÇILACAQ

Layihə ətraf mühitin, su hövzələrinin ekoloji təmizliyi və insan sağlamlığı  baxımından çox əhəmiyyətlidir. Bioplastik, başqa polimerlərlə müqayisədə təbiətdə çox tez çürüyür və bu çürümədən alınan maddə bioloji baxımdan təhlükəsiz, təmiz məhsul sayılır. Bioplastik ətraf mühitə və insan sağlamlığına təhlükə yaratmır. Onun istehsalı nəticəsində təbiətə buraxılan CO2 (karbon qazının) həcmi sıfra bərabərdir. Bioloji tərkibli və təbiətdə çürüyən "PLA" polimeri geniş tətbiq olunan neft əsaslı plastikləri əvəzləyə biləcək. 

Eləcə də bax: Plastik tullantılardan - YOL ÇƏKİLİB

"PLA" xüsusi texnoloji proseslər (fermentləşdirmə, saflaşdırma, oliqomerləşmə və polimerləşmə) nəticəsində şəkərdən əldə edilmiş məhsuldur. Qarğıdalı və şəkər onun istehsalı üçün xammal mənbəyi olacaq.  "PLA" birdəfəlik istifadə üçün  nəzərdə tutulan məhsulların (qida qabları, süfrə, çanta, müxtəlif təyinatlı əşyalar) istehsalında tətbiq olunacaq.

"PLA" fərqli sektorlarda yeni sahələrin (tibbi qurğular, bioloji parçalanan mebellər, 3D çap, yüksək texnoloji avadanlıqlar, toxuculuq və s.) yaranmasına da təkan verəcək. Əhalinin məşğulluğu üçün əhəmiyyətli sayılan bu layihə çərçivəsində sənaye, kənd təsərrüfatı, təkrar emal, xidmət, logistika və bir sıra başqa istiqamətlərdə yeni iş yerləri açılacaq. 

Mövcud plana görə, ilk 3-5 il ərzində zavodun tikinti və quraşdırılmasında 1000-dən artıq insan mühəndis və inşaatçı çalışacaq. Növbəti illərdə isə bu layihə ilə bağlı müxtəlif sahələrdə çalışanların sayı 7 min nəfərdən artıq olacaq.

"PLA" layihəsi sayəsində ölkəmizə hər il 100 mln dollardan çox valyuta daxil olması gözlənilir. Layihənin  illik gəliri ən azı 110 milyon dollar olacaq. Qoyulan investisiyanın isə 5 il müddətinə qaytarılması nəzərdə tutulub

"PLA" layihəsi üçün quraşdırılacaq zavodun maya dəyəri 150 milyon dollar təşkil edir.

Digər xəbərlər

Banner