Sənaye

Azərbaycan və Türkiyə yeni zavod açacaq

Azərbaycan və Türkiyə yeni zavod açacaq | FED.az
10:35 6 Dek 2018

Azərbaycan və Türkiyə Bakı-Tbilisi-Qars (BTQ) dəmir yolu üçün birgə yük vaqonları istehsal edəcək.

FED.az Türkiyə KİV-inə istinadən xəbər verir ki, bu barədə Türkiyənin nəqliyyat və infrastruktur naziri Mehmet Cahit Turhan bildirib.

"Biz Azərbaycanda BTQ dəmir yolu üçün yük vaqonlarının istehsalı üzrə zavod yaradacağıq", - nazir "Azərbaycan Dəmir Yolları" QSC-nin sədri Cavid Qurbanovla görüşdən sonra jurnalistlərə deyib.

"Layihə üzərində işlər, demək olar, yekunlaşıb. Vaqonların zavod yaradılan kimi istehsal olunmasına başlanılacaq", - nazir vurğulayıb.

Xatırladaq ki, Bakı-Tbilisi-Qars dəmir yolu xətti 2017-ci ildən yük daşımaları həyata keçirməyə başlayıb.

ELƏCƏ DƏ BAX: Çin Azərbaycan şirkətinə 1.17 milyard pul ayırdı

Digər xəbərlər