2026-cı il yanvarın 1-i vəziyyətinə Naxçıvan Muxtar Respublikası və onun tərkibinə daxil olan ərazilərdə işləyənlərin sayı üzrə statistik göstəricilər məlum olub.

• Azərbaycanda işçilərin sayının dinamikasına görə - RAYONLARIN VƏ ŞƏHƏRLƏRİN BÖLGÜSÜ (2025)

FED.az biznes və maliyyə xəbərləri portalı xəbər verir ki, bu barədə müvafiq rəsmi hesabatda məlumat öz əksini tapıb.

Təqdim edilən məlumata əsasən, 2026-cı ilin əvvəlinə muxtar respublika üzrə ümumi göstərici 60 977 nəfər təşkil edir. İşləyənlərin böyük əksəriyyəti, yəni 34 028-i Naxçıvan şəhərinin payına düşür. Digər ərazilər üzrə 2026-cı il göstəricilərinə gəldikdə, siyahıda Şərur rayonu 7 190, Babək rayonu 6 217, Culfa rayonu 3 673, Ordubad rayonu isə 3 536 nəticə ilə qərarlaşıb. Daha sonrakı yerlərdə göstərici Şahbuz rayonunda 2 654, Kəngərli rayonunda 2 619, ən az rəqəmin qeydə alındığı Sədərək rayonunda isə 1 060 nəfər təşkil edib..

Hesabatda eyni zamanda 2025-ci ilin 1 yanvar tarixi ilə müqayisədə qeydə alınan illik dəyişimlər həm say, həm də faiz nisbətində açıqlanıb.

Ümumilikdə işləyənlərin sayında Naxçıvan Muxtar Respublikası üzrə illik müqayisədə  165 nəfərlik, yəni 0,3 faiz azalma müşahidə edilib.

Bölgələr üzrə təhlil apardıqda isə məlum olur ki, cəmi iki ərazidə artım qeydə alınıb. Belə ki, Naxçıvan şəhərində göstərici əvvəlki illə müqayisədə 949 nəfər (2,9 faiz), Kəngərli rayonunda isə 88 nəfər (3,5 faiz) çoxalıb.

Digər bütün rayonlarda  isə işləyənlərin sayında geriləmə baş verib. İllik müqayisədə ən çox azalma Şərur rayonunun payına düşüb – burada say 530 nəfər və ya 6,9 faiz azalıb. Qalan rayonlardakı azalma dinamikası isə müvafiq olaraq belədir: Culfa rayonunda 259 nəfər (6,6 faiz), Babək rayonunda 189 nəfər (3,0 faiz), Şahbuz rayonunda 155 nəfər (5,5 faiz), Sədərək rayonunda 39 nəfər (3,5 faiz) və nəhayət Ordubad rayonunda 30 nəfər (0,8 faiz) azalma müşahidə olunub.