Başa çatmaqda olan həftə Türkiyədə dolların ən sürətli ucuzlaşması ilə yadda qalıb. FED.az xəbər verir ki, sentyabrın 10-dan 14-nə qədər qardaş ölkədə ABŞ dolları sürətli ucuzlaşıb. Həftəni 6,46 lirə ilə başlayan dollar 6,16 lirə ilə başa vurub.

Bunun əsas səbəbi Türkiyə Mərkəzi Bankının faiz yüksəltmək qərarı və onun nəticələri oldu. Mərkəzi Bankın faiz qərarından sonra, dollar 7,03%  dəyər itrərək hətta 6,01 lirəyə qədər gerilədi.

Türkiyə prezidentinin Mərkəzi Bankın faiz qərarına qarşı çıxışından sonra dollar yenidən 1,43% bahalaşaraq həftəni 6,16 lirə ilə başa vurdu.

Beləliklə, başa çatmaqda olan həftə ərzində dolların məzənnəsi

10 sentyabr – 6,46 lirə

11 sentyabr – 6,43 lirə

12 sentyabr – 6,34 lirə

13 sentyabr – 6,08 lirə

14 sentyabr – 6,16 lirə