Mərkəzi Bankın sədri Taleh Kazımov bu gün keçirilən və faiz dəhlizinin parametrlərinə dair qərarın açıqlanmasına həsr olunmuş mətbuat konfransında ölkənin iqtisadi göstəriciləri ilə bağlı əhəmiyyətli açıqlamalar verib.
Təcili: Mərkəzi Bank faiz qərarını - AÇIQLADI
FED.az xəbər verir ki, Taleh Kazımovun verdiyi məlumata əsasən, 2024-cü ildə ölkənin ticarət balansı 1,8 milyard dollar profisitlə yekunlaşıb. Strateji valyuta ehtiyatları isə 14,7% artaraq 10,5 milyard dollara çatıb.
Sədr əlavə edib ki, fiziki şəxslərin əmanətlərinin dollarlaşma səviyyəsi 1,8 faiz bəndi azalıb. Cari əməliyyatlar balansı üzrə 2024-cü il üçün proqnoz 3,7 milyard dollar səviyyəsindədir. 2026-cı il üzrə proqnoz isə dəyişməyərək, iyul ayında elan edilən 3 milyard dollar ətrafında saxlanılıb.
Bununla yanaşı, Taleh Kazımov qeyd edib ki, bu il ÜDM artımı 1,3%, qeyri-neft sektorunda isə 2,9% təşkil edib. 2025-ci il üçün ÜDM artımı 2,2%, 2026-cı il üçün isə 2% səviyyəsində proqnozlaşdırılır. Qeyri-neft ÜDM artımı isə 2025 və 2026-cı illərdə müvafiq olaraq 3,7% və 4,4% olacaq.
