Banner

Maliyyə

Nazir: "ADB-nin Azərbaycan üzrə kredit portfeli 2 dəfə böyüyüb”

Nazir: "ADB-nin Azərbaycan üzrə kredit portfeli 2 dəfə böyüyüb” | FED.az
14:25 7 May 2018

2017-ci ildə Asiya İnkişaf Bankı (ADB) region ölkələrinə rekord həddə - 20,1 mlrd. ABŞ dolları məbləğində kredit verib. 

FED.az xəbər verir ki, bunu maliyyə naziri Samir Şərifov Bankın Filippinin paytaxtı Manilada keçirilən 51-ci İllik Toplantısındakı çıxışında deyib.

“Bu rəqəm 2016-cı ilə nisbətən 7 mlrd. dollar, 2015-ci ilə nisbətən isə 4 mlrd. dollar çoxdur. Son 2 il ərzində ADB-nin özəl sektora ayırmaları 31% artaraq 2,3 mlrd. dollara çatıb. Bu kifayət qədər böyük rəqəmdir", - deyə nazir qeyd edib. 

Bundan başqa, S.Şərifovun sözlərinə görə, 2016-2017-ci illərdə Bankın Azərbaycan üzrə kredit portflei 2 dəfə böyüyüb: "Azərbaycan ADB-dən davamlı dəstək alıb və bununla da son 2 il ərzində ölkəmiz üzrə kreditləşmə göstəricisi 2 dəfə artıb. Verilmiş kreditlər Bankın yol tikintisi, içməli su təchizatı, suvarma,, sanitariya və enerji infrastrukturunun qurulmasında, eləcə də ictimai sektordakı islahatlarda rolunu artırıb. Kredit portfelinin böyüməsi layihələrin yüksək səviyyədə həyata keçirilməsinin, ADB ilə Azərbaycan arasında əlaqələrin genişlənməsinin göstəricisidir”.

Digər xəbərlər

Banner