Banner

Maliyyə

Mühasib olmayanları baş mühasib təyin edən təşkilat rəhbərləri - CƏRİMƏLƏNƏCƏK

Mühasib olmayanları baş mühasib təyin edən təşkilat rəhbərləri - CƏRİMƏLƏNƏCƏK | FED.az
14:17 23 Aprel 2019

Büdcə təşkilatlarının rəhbərləri mühasib olmayan şəxsləri baş mühasib vəzifəsinə təyin etdiyi təqdirdə cərimələnəcək.

FED.az xəbər verir ki, bu, bu gün Milli Məclisin plenar iclasında ikinci oxunuşda müzakirəyə çıxarılan İnzibati Xətalar Məcəlləsinin 462-ci maddəsinə (Mühasibat uçotu üzrə qanunvericiliyin pozulması) təklif edilən dəyişiklikdə əksini tapıb. 

Dəyişikliyə əsasən, Məcəllənin 462-ci maddəsinə yeni bənd əlavə olunur. Beləliklə, paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri sahibkarlıq subyektərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin rəhbərləri tərəfindən peşəkar mühasib olmayan şəxslərin baş mühasib vəzifəsinə təyin edilməsinə, habelə peşəkar mühasib olmayan şəxslərə baş mühasib vəzifəsinin icrasının həyata keçirilməsinə görə vəzifəli şəxslər 300 manatdan 400 manatadək məbləğdə cərimələnəcək.

Eləcə də bax: Azərbaycanda vergi və gömrük məcəllələrinə düzəlişlər üçün təkliflər hazırlanıb

Digər xəbərlər

Banner