InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
EUR
Avrozonada yenidənqurma prosesinə dair qeyri-müəyyənliyin artması özünü avronun ucuzlaşmasında da göstərir. 1.18$-ın artıq altında ticarət edilən EURUSD məzənnəsi, 1.17$-a kimi də ucuzlaşa bilər.
Bununla yanaşı, çərşənbə günü Bakı vaxtı ilə saat 13:00-da Avrozonada inflyasiya və cümə günü saat 16:30-da ABŞ-dan əmək bazarı ilə bağlı dərc ediləcək önəmli fundamental göstəricilər də önəmli rol oynayacaqdır.
GBP
İngiltərə iqtisadiyyatının gəlirlərinin azalması funt sterlinqin də ucuzlaşmasına səbəb olur. Təqribən son iki ayın minimumlarına düşdükdən sonra korreksiya edən GBPUSD məzənnəsinin yenidən 1.38$-da müqavimətlə rastlaşdığı müşahidə edilir. 1.37$-ın qırılması ilə ucuzlaşmanın 1.35$-a kimi davam edəcəyi də proqnozlaşdırılır.
TRY
TCMB sədrinin dəyişməsi xəbərindən sonra yerli valyuta birjalarında artan volatillikdən sonra USDTRY məzənnəsi yenidən 8TL ətrafında sakit dalğalanmaqdadır. Bu, qiymətin 8.17TL-nin altında qalmaqda davam edəcəyi təqdirdə, 7.60 və 7.40TL-ə kimi ucuzlaşacağını ehtimal etməyə də əsas verir.
OIL
Beynəlxalq enerji birjalarında isə Brent neftinin gələcək günlər ərzində 65 - 60$ aralığında ticarət ediləcəyi proqnozlaşdırılır.
Çərşənbə günü saat 18:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.
GOLD
İnflyasiyaya dair son göstəricilərin zəif qalması və dolların bahalaşması, əlvan metallar bazarlarında da korreksiyalara səbəb olur. Hazırda 1728$-ın (55.6 $/qram) altında təklif edilən bir unsiya üzrə qiymət, 1723$-ın (55.4 $/qram) qırılması ilə 1710$-a (55 $/qram) kimi də ucuzlaşa bilər.
Yumşaq fiskal və monetar siyasətlərin genişləndirilməsi gözləntilərinin artmasına təsir edəcək xəbərlər və önəmli açıqlamalar da diqqət mərkəzində saxlanılmalıdır, çünki bu, qiymətlərə növbəti dəstəyi verə bilər.
Risk bildirişi.
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
