İngiltərə Mərkəzi Bankı (BoE) faizini 50 baza bəndi artıraraq 3,5 faizə çatdırıb.

İngiltərədə maliyyə dünyasında nə baş verir? - Fariz Hüseynlidən sadə izah

FED.az xəbər verir ki, iqtisadçılar da faizin 50 baza bəndi artırılacağını gözləyirdilər.

Bank bu iclas daxil ardıcıl 9 iclasda faizini artırıb və son 14 ilin ən yüksək səviyyəsinə qaldırıb.

Böyük Britaniyada inflyasiya noyabrda illik 10,7 faizə qədər yavaşlayıb və iqtisadiyyat oktyabrda bitən üç aylıq dövrdə kiçilib. BoE 2023-cü ilin birinci rübündə inflyasiyasının tədricən azalacağını proqnozlaşdırıb.

BoE FED-in ardınca gedib və faiz artımının sürətini aşağı salıb. Dünən axşam keçirilən iclasda FED faizini 50 baza bəndi artırıb. Fed əvvəlki 4 iclasda faizini 75 baza bəndi artırmışdı.

İngiltərə Mərkəzi Bankının qərarından sonra Sterlinq ucuzlaşıb. (Marja)