Maliyyə

Dünya Bankı Azərbaycan üçün müəyyən etdiyi kredit limitini - Artıra Bilər

Dünya Bankı Azərbaycan üçün müəyyən etdiyi kredit limitini - Artıra Bilər | FED.az
15:52 5 Aprel 2021

“Dünya Bankı Azərbaycana verdiyi borclar baxımından əsnəkliyə sahibdir”.

Eləcə də bax: Dünya Bankı: Mayda Azərbaycanla yeni kredit sazişi imzalamağa hazırlaşırıq

Bunu Dünya Bankının Azərbaycan üzrə ölkə meneceri Sara Maykl (Sarah Michael) deyib.

S.Mayklın sözlərinə görə, Azərbaycanın müraciəti ilə rəsmi Bakının kredit limitində dəyişiklik edilə bilərlər:

“Açıq şəkildə görünür ki, mövcud situasiyada biz əlimizdən gələn qədər faydalı olmağa çalışırıq. Bir sözlə təqdim edə biləcəyimiz maliyyə dəstəyinin maksimal həddi yoxdur. Onu deyə bilərəm ki, Azərbaycanın müraciət edəcəyi təqdirdə ölkəniz üçün ayıra biləcəyimiz çox böyük maliyyə imkanlarımız var”.

Dünya Bankı rəsmisi azad edilmiş ərazilərdə nəqliyyat, təhsil, səhiyyə sahələrinin, KOB-ların inkişafı üçün Azərbaycana dəstək verməyə hazır olduqlarını da qeyd edib.

Xatırladaq ki, Azərbaycan 1992-ci ildən Dünya Bankı ilə əməkdaşlıq edir. Bu dövr ərzində Bank Azərbaycanın reallaşdırdığı 50-dən artıq layihəyə 4 mlrd ABŞ dolları civarında vəsait ayırıb.

Qeyd edək ki, Dünya Bankının Azərbaycan üçün təsdiqlədiyi “Ölkə Tərəfdaşlıq Strategiyası”nda kredit limiti illik 500 mln ABŞ dolları təşkil edir. (Report)

Banner

Digər xəbərlər