Azərbaycanda qanunvericiliyin tələblərinə uyğun olaraq, banklar tərəfindən aparılan əməliyyatların mahiyyəti və məqsədi barədə müəyyən tələblər mövcuddur.
Eləcə də bax: AMB: Əgər pulun mənbəyi təqdim edilsə daha çox xarici valyuta - Almaq Olar
FED.az xəbər verir ki, bu barədə faiz dəhlizinin parametrlərinə dair onlayn mətbuat konfransında çıxış edən Azərbaycan Mərkəzi Bankının (AMB) baş direktoru Toğrul Əliyev deyib.
Onun sözlərinə görə, banklar özlərinin daxili nəzarət və risklərin idarəetmə sistemlərini formalaşdırmalıdırlar və valyuta satışlarında olan müəyyən məhdudiyyətlər banklar tərəfindən tətbiq olunan daxili nəzarət sistemlərindən irəli gələn məsələlərlə bağlıdır.
"Bildiyiniz kimi, qanunvericiliyin tələblərinə uyğun olaraq, nağd əməliyyatlar barədə məlumatların müvafiq quruma təqdim olunması tələbi mövcuddur. Artıq valyuta və istənilən digər əməliyyatlarla əlaqədar banklar öz daxili nəzarət sistemlərindən irəli gələrək müvafiq tədbirlər görməlidirlər və burada bundan başqa bələ bir tədbir mövcud deyil", - deyə AMB-nin rəsmisi bildirib.
"Hər hansı spekulyativ yolların və ya qara bazara xidmət edən halların olacağı təqdirdə, banklar tam olaraq qanunvericiliyin tələblərinə uyğun olaraq bu əməliyyatların aparılmasından imtina edirlər və bu haqda müvafiq qaydada məlumat verirlər. Bu qanun birinci gün deyil mövcuddur, o, bundan əvvəl də mövcud olub və dollar alqı-satqısı qanunvericiliyin tələblərinə riayət edilərək həyata keçirilir", - T. Əliyev qeyd edib. (Apa)
