Azərbaycanda bankların kredit portfelinin regionlar üzrə bölgüsü açıqlanıb.

FED.az biznes və maliyyə xəbərləri portalı xəbər verir ki, 2026-ci ilin ilk yarısının yekunları (1 iyul tarixinə) üzrə nəticələrə görə, bankların ümumi kredit portfeli 31 milyard 821 milyon 342 min manat təşkil edir.

Ənənəvi olaraq kredit portfelinin böyük hissəsi Bakı şəhərinin payına düşür. Hazırda Bakı regionu üzrə kredit portfeli 24 milyard 267 milyon manat təşkil edir ki, bu da bütün kreditlərin 76,3%-i deməkdir.

Abşeron-Xızı iqtisadi regionu üzrə kreditlər 1 milyard 248 milyon manatdır ki, bu da ümumi kredit portfelinin 3,92%-i deməkdir.

Kreitlərin 3%-i isə Gəncə-Qazax iqtisadi regionunun payına düşüb – 961 milyon manat.

Lənkəran-Astara regionunda 725 milyon manat (bütün kreditlərin 2,28%-i), Şəki-Zaqatala regionunda isə 651 milyon manat (2,05%) kredit verilib.

Digər regionların kredit portfelində payı 2%-dən aşağıdır. 2 regionda isə kredit portfelinin kreditlərdə payı 1%-dən də aşağıdır.

Ölkədə ən az kredit verilən bölgə işğaldan azad edilmiş Şərqi Zəngəzur iqtisadi rayonudur – 34 milyon manat kredit portfeli və ümumi kreditlərin cəmi 0,1 faizi. Dağlıq Şirvan iqtisadi rayonunda isə cəmi 219 milyon manat kredit verilib – bu ölkədəki bütün kreditlərin 0,69%-i deməkdir.