"İxrac İcmalı”nın iyun sayı təqdim olunub.
Eləcə də bax: “Bir Pəncərə” İxraca Dəstək Mərkəzi 826 milyon dollarlıq ixraca - KÖMƏK EDİB
FED.az xəbər verir ki, “İxrac İcmalı”nda qeyd edilib ki, 2022-ci ilin yanvar-may aylarında Azexport.az portalına 215 milyon ABŞ dolları dəyərində ixrac sifarişləri daxil olub. 2022-ci ilin may ayında Azexport.az portalına daxil olan ixrac sifarişlərinin dəyəri isə 52,3 milyon ABŞ dolları təşkil edib. 2022-ci ilin may ayında Azexport.az portalına edilən ixrac sifarişlərinin tərkibində alma şirəsi, nar konsentratı, pomidor, tibbi tənzif, pambıq çiyidi, günəbaxan yağı, qarğıdalı yağı, buğda kəpəyi, toyuq əti, biyan kökü, kərpic (tikinti materialı) və s. məhsullar üstünlük təşkil edib.
Həmçinin “İxrac İcmalı”nda göstərilib ki, 2022-ci ilin iyun ayında “Bir Pəncərə” İxraca Dəstək Mərkəzi vasitəsi ilə həyata keçirilən qeyri-neft ixracının dəyəri 20 milyon ABŞ dolları olub. (Marja)
